星期五唔使趕住做功課，可以玩下呢盒好好玩嘅遊戲：BrainBox! 可以訓練小朋友嘅觀察力同記憶力 ~ Brainbox入面有啲咩？ 入面有56張卡，一個10秒沙漏，一粒骰仔。   ~ Brainbox點玩 抽一張卡，有10秒時間去睇張卡上面嘅圖畫，然後擲骰仔，睇吓答邊條問題，問題係關於卡上面嘅圖畫，例如 巴士咩顏色 / Mr Busy揸住乜嘢 / Mr Cool有冇戴帽等等。考下小朋友有冇觀察到幅圖畫嘅細節，同埋記唔記得。   ~????秒夠唔夠？ 一開始玩，可以俾多啲時間，我會等Natalie睇張卡，睇到佢覺得睇完先開始要佢答問題。循序漸進呀嘛，觀察力都要慢慢培養嘅！   唔識睇題目點算？ 可以讀個題目出嚟俾小朋友聽，等佢答問題，再慢慢教佢睇題目。 重點 呢個遊戲需要高度專注力㗎，玩10分鐘就好停，俾個腦休息！ 其實Brainbox有好多唔同款，不過因為我鍾意Mr Men & Little Miss （有冇Fans!!)，所以揀咗呢款，有其他唔同主題： abc / maths / science / peppa pig / Hong Kong 等等，仲有唔同嘅深淺程度，適合唔同嘅小朋友㗎！ #好玩 #MrMen #LittleMiss #好過打機 #好過睇YouTube #好物推介