22~24/2係荷花BB展，回想起上年大住肚同SiuBba 一齊去戰鬥???? 拎左好多Sample, 而家仲得到朋友既幫助，先可以大豐收！ 今日SiuB 出左世，但SiuBma 都想去湊下熱鬧，睇下有冇咩用品or玩具可以買比SiuB...本身婆婆請左假幫我湊SiuB 等我可以去Shopping!!但係婆婆突然病左...所以SiuBba 話帶埋SiuB 去，行一陣就算，等我即刻分享一下SiuBma入手左d 咩啦！ 1.) Philips Avent 蒸煮機 呢樣係我去BB 展最主要既目的，SiuB 已經差唔多3個月，4~6個月就已經可以開始加固，咁就要睇下SiuB 既厭奶情況而決定幾時加固。所以SiuBma 一早就已經睇定岩用既蒸煮機，真係一睇就愛上！因為比較方便，一機就攪掂，煮食時唔駛轉黎轉去，亦都唔駛洗咁多用具，心儀既選擇！仲有幾樣贈品送Tim~ 實用既存儲盒，可以直接放入機中蒸煮，同埋360學習杯，禮物都非常實用！ 2.) Hipp 米糊 & 果蓉 其實之前一直都好想試下Hipp呢個品牌，因為主張有機食品，但係因為SiuB 係飲母乳為主，而懷孕既時候已經有幾個品牌既初生b 奶粉Sample，而且SiuB 都飲得好，所以都冇特登再去買其他奶粉。今次見Hipp 有米糊優惠Package 即買！再加埋4months 就可以食既果蓉，好快SiuB 就可以試食！ 3.) Little Freddie  起會場既時候見到好多媽媽們瘋狂搶購吱吱果蓉，即刻我都迫入去睇下先！價錢唔貴，好多款式，有混合蔬果款， 亦有單一既蔬果蓉可以選擇。之後再睇糊仔同零食，SiuBma每樣都買左少少，比SiuB 加固既時候嘗試多幾種既食物，等SiuB 吸收唔同既營養同冇咁沉悶。 4.) 小龜波波池 SiuBma 冇咩點買過呢d 大型玩具比SiuB, 所以今次見到呢個玩具就覺得好抵，因為一物多種玩法！  呢個就係for BB 未識玩轉身 or 伸手玩玩具既階段！ 呢個就係比BB 加欄係入面玩，或再加波波做波波池！ 最後係可以2樣加埋！ 所以其實算係唔錯既玩具～可以玩耐少少！ SiuBma 行左3個鐘，因為太多人，而且又帶住SiuB，所以都冇咩點拎Sample...戰鬥力大不如前！都係早d 走，返去比SiuB 休息下仲好！不過SiuBma算係買齊心頭好！ 開心！ ************************************************************* 歡迎合作邀請｜產品試用｜出席活動｜邀稿｜親子活動｜廣告合作｜ 聯絡SiuBma：Janet_ayk@hotmail.com Please Like & Follow us~ Facebook: www.facebook.com/sweethomeforsiub IG: https://www.instagram.com/Sweethomeforsiub Blog: sweethomeforsiub.blogspot.com