副食品
戒夜奶
拼圖
教養
產後瘦身
積木
親子共讀
親子餐廳
貼紙書
追奶

SiuBma分享のBB 1至3個月嘅發展同變化

SiuB頭一個月真係淨係識喊、食、訓同屙Poo Poo & VV...不過嗰一個月又要照顧自己坐月,又要non-stop loop餵奶同換片,根本唔會有時間去留意BB嘅變化!但係當BB滿月嘅時候就已經

SiuB頭一個月真係淨係識喊、食、訓同屙Poo Poo & VV...不過嗰一個月又要照顧自己坐月,又要non-stop loop餵奶同換片,根本唔會有時間去留意BB嘅變化!但係當BB滿月嘅時候就已經改變不少了~你會覺得BB比以前有明顯嘅分別,瞓少咗,對身邊嘅事物會有興趣,會聽到你對佢講嘢嘅聲音,再到三個月嘅時候,BB手腳會郁動更加靈活,仲會識對住你笑Tim...真係甜死媽媽啦! 好多媽媽都想知BB係三個月嘅時候究竟會學識左啲咩?等SiuBma比個小小嘅概念比大家參考下啦! - 自如地郁動身體及四肢。 - 趴著時可以抬起頭,用手支撐身體。 - 將手放入口吸啜。 - 可以張開雙手抓住身邊既玩具。 - 會望四周嘅環境同會認出熟悉嘅人,視線會隨着人移動。 - 頸部可以自如地左右搖動。 - 會聽音樂。 - 聽到熟悉嘅聲音會笑。 - 開始模仿或發出某些聲音 2個半月嘅時候,SiuB 最鐘意就係食手仔~   呢個時候嘅BB其實更加需要媽咪既安撫,咁先會建立同增加更多既安全感,等BB再大少少先訓練佢自己既獨立性同自信心。增加安全感嘅方法好多,例如: - 要對BB嘅需要作出反應。 - 抱佢、攬住佢。 - 比BB從唔同嘅角度同位置睇周圍嘅環境。 - 同BB傾計,唱歌比佢聽。   玩具方面,你可以選擇; - 搖鈴,比BB用手捉住搖動 - 顏色鮮艷同發出聲音嘅懸垂玩具 - 可以播放音樂嘅音樂盒、錄音帶同埋CD 呢個發聲唱歌同錄音公仔暫時係我覺得最有用的。 每個BB嘅發展速度都唔一樣以上只可以比準媽媽參考,如果未做到亦唔需要過分擔心,當BB一日一日咁長大,慢慢就會成功! ************************************************************* 歡迎合作邀請|產品試用|出席活動|邀稿|親子活動|廣告合作| 聯絡SiuBma:Janet_ayk@hotmail.com Please Like & Follow us~ Facebook: www.facebook.com/sweethomeforsiub IG: https://www.instagram.com/Sweethomeforsiub Blog: sweethomeforsiub.blogspot.com