SiuBma 嘗試過幾款韓國牌子嘅儲奶袋。如果係富媽媽就會知道奶袋每日嘅容量好似倒水咁快～點樣選擇好用、安全又經濟嘅儲奶袋呢？SiuBma只係用過4款，有款係朋友送嘅，亦有啲係自己買！可以分享一下呢四款用後嘅意見。   選擇儲奶袋睇3點； - 容量， SiuBma 覺得180~200ml嘅容量最為適中，因為母乳解凍後就唔可以重複冷藏，如果容量大，有機會會導致母乳浪費。 - 出奶口，SiuBma建議入奶為給出奶位置不同，因為可以減少母乳受污染嘅機會。 - 奶袋厚薄，SiuBma會選擇厚身嘅儲奶袋因為密封性比較好和放冰格時比較不容易破損。   1.) Dr.Mama Breastmilk Storage Bags (朋友送） *相片由網上提供 呢款儲奶袋厚薄適中，而且儲奶袋入口同出口位不同位置，可以減少母乳受細菌污染嘅風險，每盒有30個每個可存放最多200ml，每盒數量比較少，需要經常入貨，但質量方面都係一個唔錯嘅選擇，比較適合奶量不算多嘅媽媽。   2.) KMOM Breastmilk Storage Bags (Buy from HKTV Mall, around ~$140) 呢款儲奶袋一盒100個，每個可存放最多200ml， KMOM係韓國十分出名嘅牌子，但奶袋只有一個出入口位，但厚薄程度尚算適中，可以獨自站立。最大嘅好處係 HKTV Mall就已經可以買到，非常方便。   3.) 韓國Jaco納米儲奶袋 (啡）（Buy from Onlineshop, around~$120) 呢款儲奶袋起香港非常流行有好多媽媽們都會選擇一盒有120個，每個最多可存放250ml係富媽媽好嘅選擇，而且奶袋係雙層密封式設計， 而且可以獨立站立，亦可以放係60度溫水坐暖，有獨立出奶及入奶位，係非常安全嘅選擇，價格亦唔算特別貴。   4.) 韓國Perfection 儲奶袋 (橙）（Buy from Onlineshop, around~$90-120) 呢款儲奶袋有兩個容量分別係180ml同250ml, 每盒都有120個，而SiuBma有嘅係180ml，因為SiuBma希望每個奶袋會係SiuB一餐奶嘅份量，唔想將奶袋重複開合，以確保母乳儲存係最安全！呢款只有一個入奶給出奶位，亦可以獨立站立，可以直接加熱。容量較小嘅180ml袋比Jaco啡袋平，會比較經濟，而質量方面亦非常之好。 大家可以因應自己嘅需求，再去選擇市面上嘅儲奶袋，因為沒有最好用的，只有最適合的。 精挑細選下揀個安全好用既奶袋儲存母乳，等SiuB繼續做個全人奶BB！ ************************************************************* 歡迎合作邀請｜產品試用｜出席活動｜邀稿｜親子活動｜廣告合作｜ 聯絡SiuBma：Janet_ayk@hotmail.com Please Like & Follow us~ Facebook: www.facebook.com/sweethomeforsiub IG: https://www.instagram.com/Sweethomeforsiub Blog: sweethomeforsiub.blogspot.com