每次係媽媽谷一講到帶BB去旅行，好多媽媽就有好多問題！ 我/我先生屋企係外國，想帶BB返去俾屋企人睇呀！ 我想趁有產假，帶埋bb去一次旅行先返工！ BB幾歲可以上飛機？ BB搭飛機要俾幾多錢？ 架bb車點樣算， 寄倉定hand carry?計唔計落行李? 點樣幫佢沖奶呀?     ⚠️BB到底幾歲可以上飛機？⚠️ 國泰港龍/ 香港航空同埋其他大部分航空公司都列明只要BB身體健康，7日大就可以上飛機㗎喇！ 不過留意番HK Express 就冇講明喇~   ⚠️咁BB機票幾多錢㗎?⚠️ 喺成個旅程期間7日至24個月大嘅BB都可以買嬰兒票！ 嬰兒票都係按成人票價嘅機票計算折扣，大概10%！ 而每個成人只可以購買一張嬰兒票， 而且不佔座位。以國泰港龍/阿聯酋航空等為例，如果你購買嬰兒票大多數佢會安排你坐喺最前嘅位置，可以放嬰兒搖籃，等你有平刻空閒(如果寶寶唔搞事)！ 但係香港航空就要留意啦！佢有嘅某啲機種嘅商務機倉，係唔會提供嬰兒搖籃相反所有香港航空嘅經濟機艙就有提供嬰兒搖籃  而HKExpress 就更加要留意 佢係點都唔會有嬰兒搖籃提供，係要坐喺你大髀㗎 就至於過咗24個月，就要買返兒童票喇！兒童票一般嚟講就係成人票價約75%， 係擁有獨立座位同飛機餐！   ⚠️到底架BB車係寄倉定hand carry?⚠️ 視乎BB車大小， 例如yoyo當然可以拎埋上機 我用好大架既P3所以必然要寄倉！去到check in counter 同地勤小姐大聲講：我要寄倉！咁佢就會幫你掛個牌，你可以拎住架BB車入禁區， 施施然咁行Duty Free去到登機閘口就交低架車畀啲空少！落機就可以喺落機位置/行李輸送帶到拎返啦(Emirate同香港航空都係行李輸送帶，國泰航空就落機位置)   ⚠️BB車計唔計落行李架?⚠️ 大部分航空公司嘅嬰兒票都有10kg嘅托運行李限額，仲可以買多D野連HK express都可以免費寄嬰兒車，所以唔使擔心呀‍   ⚠️BB飛機上點食奶？⚠️ 人奶B就好簡單，只要係安全帶信號燈熄滅之後隨時都得 泵媽就麻煩d，首先係需要儲存雪奶係冰袋到，需要時向空姐要求一杯熱水坐奶。 奶粉B最麻煩係要帶水，媽媽們成日都問：點帶水過關呀？！其實只要你帶住BB，過關時只要指下個B，好有禮貌咁向個關員示意一下，就無問題喇！我同我老公每人都帶左一樽細水，同埋一個熱水壺！回程既時候仲帶埋旅行熱水煲係轉機地點煲水添呀！   今集提過嘅野都要好好準備，可以去Price.com.hk格下價先~ 唔好買貴野呀~小朋友錢有排要俾! BB車:  http://bit.ly/35scNBR 奶粉: http://bit.ly/38JbmRJ 奶泵: http://bit.ly/2YS99yB   暫時講到呢到，下次再講其他帶BB去旅行既野~ ___________________________________________________________________________ Follow Instagram: 美豬媽與布甸仔の日常 https://instagram.com/edrick_wong . Follow Facebook: 美豬媽與布甸仔の日常 https://www.facebook.com/ringoedrickdiary/   Follow Blog: http://ringomeib.blogspot.com/ https://www.mamibuy.com.hk/home/8102/ https://wow.esdlife.com/ringomeib