唔知有冇BB都有睇Where's Wally？ 好大既一本書，每頁有唔同場景，講緊Wally去唔同既地方旅遊，讀者就要係入面搵番Wally係邊咁。穆兒2歲2個月，未識得係幅圖入面搵呀Wally，不過就好鐘意慢慢睇每頁唔同的圖畫，原來又真係幾得意，例如飛機場的場景度有大象排隊上飛機既畫面、動物園的場景又有職員幫獅子照鏡吹頭（毛？）既畫面。 發覺穆兒可以自己坐定定好專注咁睇一陣間，又會同我分享睇到既東西，例如猴子食香蕉，我又可以同佢講下發生緊咩事，例如呢度賣底褲既（真係有架！），對佢學講野、學新詞又好似幾好喎！雖然本書入面既畫面唔係有連貫性的故事，不過好多畫面都好搞笑好imaginative，而且色彩豐富，岩晒小朋友，唯一既缺點就是本書係paperback，穆兒就已經撕爛左一忽火車站咁。 書是好友送既，成個系列有7本，穆兒睇緊果本係bookdepository.com度賣緊大約40蚊港幣，免費送貨到家，有排睇，不過有定心理準備小朋友會係咁問「咩黎架？」，而我又真係被問到口啞啞咁，事關好多種唔同既「識飛既機」，除左飛機之外其他到底叫咩呢？好在書尾頁有個checklist用英文寫左每頁既場景可以見到既東西／事情。