早排媽媽就約埋小b舅公，兩家人走咗轉大海，hea玩澳門氹仔兩日，行番個大運。 第一日全程係食，再食同繼續食 落船去酒店 checkin，喺foodcourt簡單食個晏隨即就走咗去官也街再食   必達士木糠布甸 、士耳其冰淇淋 、安德魯蛋撻、豬扒包、大菜糕 掃完街，番酒店休息咗一陣， 再去筷子基繼續食 <<台山水佬蟹鍋>> 價錢係有點貴，但火鍋材料豐富，好出色！   花甲雜菌煲，濃郁湯底，材料豐富，花甲鮮甜！ 因為表姨唔食得蟹，所以無叫蟹煲，下次要一試！ 肥牛肉質唔韌，頗有牛肉味。另外，龍躉片一定要試，好滑！     ------------------------------------------------------- 台山水佬蟹鍋 地址: 澳門船澳街50號海擎天地下L舖   *我哋喺入住嘅巴黎人酒店隔離嘅新濠影匯乘坐51A巴士前往，一來巴士總站就是海擎天，而台山水佬蟹鍋就在巴士總站的後面。二來乘坐26或26A，車程是遠啲，停的站數亦多，而落車要行一段路才到*   -------------------------------------------------------   第二日瞓醒，去品粵嘆一盅兩件 等兒童樂園 <<Q立方王國>> 開門 就帶小b去放電   <<Q立方王國>>係澳門巴黎人 6樓，$130包一大一細，任玩兩小時 分別有室內同室外遊戲區，設有唔少玩樂設施，放電一流！ 室內有波波池、攀爬迷宮、多座滑梯、電影院、遊戲機;   而室外就有一座城堡主題嘅攀爬架、玩具車，仲有旋轉木馬。   我哋一開門就嚟玩，無咩人，開心暢玩咗2個鐘。   ------------------------------------------------------- 【Q立方王國】 地點：Parisian Macao 澳門巴黎人 6樓 開放時間：每日上午9時30分至晚上9時30分 費用: MOP$130/一大一小 (2小時)   -------------------------------------------------------   放完電，食個晏補充完，下午我哋嚟到石排灣郊野公園睇熊貓????   我哋揀咗下午兩點入場，剛好遇著熊貓瞓醒出嚟食竹葉！ 開開、心心、健健、康康好可愛喔❤   除咗熊貓之外，仲有小熊貓、環尾狐猴、松鼠猴、鸚鵡、火烈鳥等。 *除大熊貓館外，其他都是免費玩及參觀。   園內還有兒童遊樂區，小朋友放電就啱哂！ ▲▼鐵皮車 ▲大三巴模型 ▲模型飛機 -------------------------------------------------------   大熊貓館 開放時間: 10:00－13:00;14:00-17:00 門票: MOP10 *12歲或以下及65歲或以上人士免費*   ------------------------------------------------------- 石排灣郊野公園 地點: 路環石排灣大馬路 前往方法: 乘搭15、21A、25、26、26A、50巴士，於石排灣郊野公園下車 開放時間: 06:00－22:00