【嬰兒按摩齊齊做】   相信好多媽媽都識做嬰兒按摩中嘅 「I love you」，可以減輕BB肚風、排便困難等問題。但原來仲有其他好處： > 舒緩肌肉，瞓得更好；而足夠休息對BB同媽媽同樣重要 > BB未識行，按摩就可以幫助佢地被動地伸展/運用唔同肌肉，長大後會更靈活 > 刺激BB快樂賀爾蒙，令佢開心，穩定情緒 > 建立親子關係，令BB多d安全感     湜澄媽就跟專業導師上咗幾堂嬰兒按摩班，由腳指尾到手指尾, 前前後後左左右右 都學咗點按，原來有好多唔同手勢，唔係摔下摔下、鏈下鏈下就叫按摩！仲教咗我唔同身體問題有對應嘅按摩手法！ 湜弟上第一堂按摩班表現超出預期，當其他BB喊，佢異常冷靜，基本上全堂都好合作，仲好享受！上完堂仲立即瞓咗!  不過第二堂就完全相反，得佢一個喊，要媽媽抱足半堂，好彩背脊同面仔按摩可以抱著做！   以下為大家示範對腳仔同肚仔嘅按摩，希望可以俾各位媽媽增加一個親子活動選擇。 如果你想學 曬全套嬰兒按摩，可以去「澄兄湜弟」facebook post 留言「想學」，我會pm 話你知我喺邊度學。       按摩小貼士： - 食奶後30分鐘不宜按摩 - BB安靜清醒時按，喊緊瞓緊都唔好按 - 房間溫度要合適，要除衫架 - 用BB按摩油，唔好用精油 - 平放床上或軟墊上按，媽媽BB都要瞓/坐得舒服嘅 - 0-12個月都按得，只要佢乖乖瞓喺度 - 每次可以按情況按，唔洗做足全身 - 建議去跟導師學習，現場先教到力度、位置等問題 - 建議上幾堂果隻，唔好上一堂幾個鍾嘅精讀班，bb捱唔到咁耐，心情好都會變差   預告：3月份有嬰兒按摩油同沖涼液 giveaway，立即追蹤「澄兄湜弟」 及設定「搶先看」，第一時間參加   註：湜澄媽非專業人員，如果有疑問，建議向專業人士了解。不過，我都會盡量將我識嘅講俾大家參考。   #非廣告 #真心分享  #上了幾堂 = = = = = = = = = = = = = = = = = = = = = = = = = = = = = = = =  ✽ 歡迎追蹤我更多育兒生活分享  - 澄兄湜弟 Facebook專頁:  澄兄湜弟 Instagram: @desiree_dumbo   歡迎聯絡我地 / 合作邀稿: desireeyi@gmail.com