有睇開米豬page嘅朋友應該知道，米豬大個仔要返2歲班喇，對媽媽嚟講，重點唔係教學內容，係 分離 T^T 媽媽有很強烈的分離焦慮症啊！！！！！！   今日係第一日返喇，陪米豬入咗班房，識咗2個朋友仔，老師就話我同佢講聲我會出去，一陣返嚟，我就走咗喇 T^T 今次鼠走嘅理由係 —- 媽媽要去屙便便    入咗班房9:07就鼠咗出嚟喇，線眼老師好好人，見我有分離焦慮，即刻問我拎電話去偷拍米豬上堂情況比我睇，見到佢好乖咁參與上堂活動，好安慰呀～      10:07 分開咗一個鐘，米豬 完 全 冇 搵 過 我 ！！！ 嗚哇~~ 你會唔會太叻仔呀 >3< 明明平時去邊都扯住我條裙，今日可以自己上一個鐘堂！好叻好叻呀！   我終於知道原來等放學嘅唔止小朋友，仲有媽媽，真係估唔到米豬第一堂就可以唔搵我，大個仔喇真係，諗返呢一年以嚟自己湊佢，由學行到跑，爸爸媽媽到寸咀，真係過得好快，媽媽原來真係會唔捨得你大㗎 -_-||   我企正响班房門口都冇發現我....... -_-     10:25 差唔多放學，我去米豬班房門口，佢見到我有跑過嚟呀～ 但係要唱完goodbye song排好隊咁先放學，媽媽耐心等候     10:30 到夠鐘放學時，小朋友們一個跟一個咁出嚟，但點解唔見米豬嘅？原來佢仲痴住架巴士唔肯走！     老師就話由得佢先，同我傾吓佢第一次自己上堂嘅情況   老師同我都覺得好surprise同amazing，佢竟然冇扭計搵我，老師話佢有望咗幾次窗邊，睇吓見唔見到我，但一同佢講媽媽一陣就返嚟，佢又專心上堂，老師直頭用I’m so proud of him! He is a BIG BOY now! 我都為米豬感到好驕傲呀 ^_^b 我以為我唔响度佢實一舊飯咁，點知原來佢可以比到晒反應老師，上堂跳舞，自己食茶點後收拾，玩完玩具睇完書會放返好，同屋企完全2個樣！ 不過就話佢唔多鐘意做art work, 佢唔肯用手指掂啲漿糊???????? 係呀佢好憎痴立立㗎????????   放咗學後，連米豬playgroup個老師都過嚟，讚佢叻叻，佢好掛住老師啊～ 走埋去攬住佢，仲有主任同副校長都讚佢，佢即刻開心晒   不過放咗學有小插曲呀～ 食完晏後我拎佢上堂嘅art work出嚟，係一架老師教佢用用幾何圖形痴出嚟嘅火車頭，佢一見到就扁晒咀話「唔要，掉咗佢」跟手仲狂喊添！*0* 我諗可能佢今朝成朝都係忍住，放咗學就唔記得咗，到我拎返幅畫出嚟佢就記得今朝返學唔見咗我所以狂喊，我唯有攬住佢由得佢喊，不停同佢講「媽媽响度呀，媽媽唔走，媽媽攬住」到佢喊完，我就問佢，今日返學開唔開心？佢話開心，咁開心就得喇, ️我就安慰米豬，媽媽其實一路都响你附近陪住你呀，可能你見我唔到，但媽媽見到你好努力去上堂，聽老師指示，同同學仔玩，覺得你做得好好呀～ 媽媽都好掛住你，但係你大個仔，可以試吓自己上堂同同學仔玩喇，米豬玩一陣放學就見到媽媽㗎喇  佢好似明D唔明D咁話知道, 希望你返學返得開心啦~~ 你老師真係好好, 好鍚你地, 又好細心好有愛心~~    聽日又分開上喇, 唔知係咪好似第一堂咁叻豬呢? 媽媽相信你可以ge~   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/