今次帶小朋友嚟到社企餐廳·籽樂廚房，玩樂地方雖然不算大，但係兩三歲小朋友都玩得好開心！ 黎到門口位置，見到塊手語圖教學，原來餐廳大部份員工都係聾人或者係弱聽人士（穿黑色制服） 今日可以試吓唔講嘢，用手語落單！ 感受一下無聲嘅環境～ 廚房係開放式設計～ 先睇睇玩樂地區，喺餐廳最入位置 有Lego玩具玩～ 落地大玻璃！天然陽光射落餐廳裏面～ 夠晒光猛又舒服！ 小小的遊戲區，有繪本、公仔、廚具、曲奇蛋糕模，玩具不算多，但足夠小朋友玩樂！ 呢塊ABC模，我哋屋企都有塊啊！ 呀仔即刻要拎黎唱ABC歌啊！ 外面環境有樹，景觀開揚，環境舒適冇侷促感覺！ 戶外地區玩樂遊戲會在星期六日、假期開放～時間：12:00-16:30 同埋有一些自助嘅無添加生機純素小食，平日沒有提供~ 可惜我地今日係平日，未能體驗囉～ 有提供兒童餐椅 睇吓我哋嘅「情聚無聲餐」，點解係叫無聲？頭先講過餐廳員工九成係弱聽人士，落單嘅時候會教你用手語，完全體驗到聾人文化！ 餐湯同蒜蓉包，麵包香脆可口～薯仔忌廉湯也不錯！ 溫泉蛋卡邦尼意粉$138 不錯！醬汁濃郁！最愛溫泉蛋～蛋黃汁好香！ 安格斯牛肉配忌廉汁意大利飯$108 牛肉好淋，入面鎖住好多肉汁！好好食！ 意大利飯好香～食完好滿足呀！ 估唔到西餐食物質素好高！完全對得住個價錢！ DIY親子純素兒童餐$88 比平時食開嘅兒童餐好唔同喎！ 小朋友可以自己動手做架！ 老闆嘅用心，將Farm to table食物教育比小朋友～ 將材料加入攪拌機，就完成啦！ 粉紅幻紫巴西苺碗～ 自己動手卷～用紫菜卷着一塊芝士 完成芝味紫菜！ 仲有個毛豆粟米脆筒架！ 係咪好簡單呢！小朋友有得玩有得食特別開心！有趣～健康～無添加！ 有機洋甘菊花茶 呢個時候我梗係要嘆番杯茶啦！好寫意啊！ 小朋友可以自己玩，我又可以同朋友傾吓計休息下～真係幾舒服喎！ 好貼心有得租用電源㗎！ 廁所亦提供BB座廁！ 午餐價錢亦唔算貴！而且食物質素真係唔錯！味道高質！喺附近返工嘅朋友都可以嚟食午餐啊！環境又舒適～ 其他餐牌如下： 手工製作健康生素甜點小食 有機蔬菜甜脆片 、無咖啡因脆脆縲旋藻朱古力 、 楓糖肉桂紅菜頭脆合桃、 芒果南瓜子紅莓果仁捧 健康又好食！有興趣可以向店員購買啊～ 籽樂廚房 地址: 尖沙咀山林道38號 銀座3樓 營業時間：12:00-22:30 電話: 2668 0450 https://www.facebook.com/sowergiftkitchen/ *有小朋友建議先訂位在遊戲區附近 ---------------------------------- 80個＋親子好去處(不定時更新) https://www.facebook.com/chochomamami/posts/1189315614545637