近日天氣反覆無常,早晚溫差又大,加上流感高峯期,真系少啲抵抗力都好容易病。 中醫成日講求調和五行,身體失衡就好容易令抵抗力下降病菌入侵。 平時要注意作息正常, 時常補充水分,攝取均衡營養, 曬太陽同做運動可以提高身體抵抗力。 近排假期多好難避免出街食嘢, 煎炸油膩高糖食物真系走唔甩,  所以我平時一見曦哥嘴脣比平時火紅, 就知佢有燥熱症狀 即刻煲返個靚湯俾佢下下火, 今次我想介紹呢個湯水~~~   <<馬蹄麥冬椰棗湯>> 馬蹄功效 : 清熱生津, 潤燥化痰,  咽喉腫痛,燥熱咳嗽都好適合. 麥冬功效 : 養陰潤肺,清熱寧神。 椰棗功效 : 椰棗營養價值高,成分都是天然糖分,而且具有化痰止咳的功效。  湯水材料>> 瘦肉/豬展骨 410克 麥冬35克 粟米半條 紅蘿蔔半條。 馬蹄五粒 椰棗四粒 雪耳20克(大概半個) 果皮一小片 做法>> 將所有材料洗乾淨切塊, 雪耳麥冬需要浸洗, 雪耳浸發後剪去下部分硬的位置 瘦肉汆水後撈起備用 所有材料放入煲內, 加入三公升水煮滾後轉慢火煲一個鐘。  一小時後~~~ 清甜美味大家快啲試下~~~     Follow us Facebook page https://www.facebook.com/%E6%9B%A6%E6%9B%A6%E5%AA%BD%E5%AA%BD-275583123264046/   IG https://l.facebook.com/l.php?u=https%3A%2F%2Fwww.instagram.com%2Fsoniafong0416%2Fp%2FBuoYrThBZsG%2F%3Futm_source%3Dig_share_sheet%26igshid%3Dmigeh91rxoji%26fbclid%3DIwAR1UT4dULNufnhGVzxib-nBP25VyPRPzHE3X8n3_PLNfYRRagNNDw2UN8Y8&h=AT1x5ILG2S0yOLSRnkJ8NxgYjgYs_iD5yVoG23mDGIL53D1PXGcnmZQPvSlP3nn8M_iIum8Nh0fa3FcSqgpdRQgm6KEQeLJE3OQPJKXxuQQ3Bm7T7wIbv6dqOi0K-Lc9TJGm