周圍食好西系列之芝士控必去餐廳 剛過去假日就同小吃貨周圍食～食～食 朋友介紹呢間餐廳真係好正 芝士愛好者必去既餐廳 每碟有芝士嘅菜式，啲芝士都必定舖滿晒喺主菜上面 每一啖都有濃郁芝士味,  非常邪惡呀 而且每碟的份量都非常充足 食完真係肥仔10磅 但眼前見到咁多芝士菜式 減緊食都忍唔到口呀 門口招牌與上餐廳既樓梯, 餐廳內擺設       餐廳內擺設, 有O的復古味道               今次一行3大1小既人數, Order左4款食物 - 溫泉蛋Carbonara - 每日限量供應的威靈頓牛柳 (要預早打電話黎訂) - 芝士煙肉薯條拼蕃薯條 - 蒜香芝士排包 溫泉蛋Carbonara   食到成咀都係白汁   每日限量供應的威靈頓牛柳 (要預早打電話黎訂)   芝士煙肉薯條拼蕃薯條   蒜香芝士排包   邪惡香濃芝士漿   每款食物都好味同埋好芝士 溫泉蛋Carbonara既汁好CREAMY CREAMY既汁沾滿住每一條意粉 食落口好豐富白汁+蛋汁味 威靈頓牛柳  係每日限量供應的 朋友一早打電話預訂先有得食 外層係鬆脆酥皮 酥皮同牛柳中間有一塊好薄的煙肉 中間就係8成熟的牛柳 本人唔好牛, 但都食左2件 朋友就話好正   芝士煙肉薯條拼蕃薯條 表面舖滿好CREAMY芝士醬+煙肉 我最鐘意食淋既薯條 所以呢個焗既薯條岩晒我 特別係個蕃薯條 蕃薯條入口好甜, 但拼埋芝士又有O的鹹 好惹味 最後就係個蒜香芝士排包 個排包實在太令人難忘 一上檯已經被排包同排包中間厚敷既芝士漿吸住聚人既眼球 一扯開成pat芝士痴住塊包 入口非常香濃, 無敵咁邪惡 而且排包既包皮仲好脆,  包內好軟熟 一路打食評都仲回味緊好想再食 連小米琪都不停追食 第二朝訓醒都仲問緊尋晚食淨左1件既芝士排包有無拎返黎屋企今朝再食~Crazy 最後係朋友打去訂的生日雪糕BROWNIE BROWNIE都好味, 濃味朱古力 最特別係把刀仔, 細細把好可愛         建議多人去食先可以試多幾款食物 如果唔係會漏同埋飽到行唔到出門口 餐廳：慢煮工業 地址：太子白楊街15-19號萬安大樓地下及1樓  網址: https://s.openrice.com/QrbS0fFu700