上年有朋友分享過寶寶係會記得肚入邊既野，但當時裕喬喬又未識講野，所以想問都問到～～咁啱近排又見到類似的文章，激發起媽媽既興趣，早2日問左裕喬喬，佢又真係答到喎！！我嘗試重覆個問題幾次，係唔同時間問，得出既答案都係一樣，好神奇呀～～ 媽：你係媽咪個肚度做咩呀？ 喬：玩～呀 媽：玩咩呀？ 喬：珠珠呀～ 媽：珠珠點樣玩架？ 喬：（做動作-下圖） 媽：？？？    呢樣都未算最神奇，最神奇係我問佢點解會揀媽咪既？？佢既答案仲有趣呀～～～ 媽：點解會揀我做你媽咪？ 喬：救～媽咪 媽： 不過因為裕喬喬咬字仲未係好清晰，唔知有冇聽錯⋯⋯⋯⋯但某程度佢講既都係事實～點解咁講？？因為如果唔係因為有左裕喬喬我都未有意欲做婦科檢查～一照除左發現有左裕喬喬之外，仲發現埋2個子宮肌瘤，size 仲唔算細添！或者裕喬喬口中既珠珠就係個2粒瘤陪佢玩啦 同一個問題，相信我會等佢再大少少既時候再問多次先～～～拭目以待，睇下到時佢會唔會答番一樣既野先～～ 我家裕喬的PAGE, 媽媽盡量每日UPDATE喲~歡迎大家like and follow~~ 亦都歡迎大家聯絡我地合作及試用產品～ https://www.facebook.com/JacoYK/