《小朋友趣事》 1.廁所????驚魂： 「有一天，小b突然很大聲呼叫....Monster！」 小b: 媽媽....媽媽Monster呀！ 媽媽：邊到有Monster呀？ 小b: 係...厠所呀！ 「於是我左望右望！」 媽媽：無呀！媽媽見吾到呀！ 「小b拖住我隻手，好驚既樣子，慢慢一步一步由客廳行去廁所，跟住用手指住.......洗手盆下面個櫃。」 小b: 呢......到.....呀.....有Monster 手手呀！ 媽媽： 哇哈哈哈，你真係笑死左媽咪啦！媽媽打開俾你睇啦，係手套來o架！ 小b: 哈哈哈 「小b露出開心既笑容，同媽媽一齊開懷大笑了很久????????」   有圖有真相，是人是鬼???????????? 2.嫲嫲肖像： 「媽媽在廚房洗野，小b係出面自己食飯！」 小b: 媽媽，嫲嫲呀！ 媽媽：尋晚咪同嫲嫲食左飯lo,你咁快掛住佢啦！ 「媽媽好忙，沒有望到發生咩事」 小b又係到大叫：哈哈，嫲嫲個鼻鼻呀！ 媽媽：你專心食飯啦！ 小b: 哈哈，嫲嫲個口呀！ 「媽媽做完野啦，諗住同小b一齊食飯，回頭一望」 媽媽：呀！你做緊咩呀！阿仔你大個啦！點解仲係bb咁既！ 「小b當然俾我罵了一頓！」   有圖有真相，見到咁你會吾會發顛？」 3.消失的電話☎️： 「準備出門既時候，電話吾見左既」 媽媽：我電話呢？幫媽咪搵下 「小b個樣古古怪怪咁」 小b: 好呀！ 「小b走左去窗台個邊」 媽媽：係呢到咩？頭先我都無行過去，媽咪點會擺電話係到呀！ 「小b露出好古惑既笑容」 媽媽： 你係咪將我電話放左入去呀！ 小b:係呀，我幫你攞啦！ 「小b當然俾我罵了一頓！」 「話說前幾天我在電話狂煲皓鑭傳，老公睇吾過眼，就收埋左我部電話☎️！收到好高，我攞吾到呀！我跳呀跳呀，跳極都攞吾到，我係到同我老公追追逐逐，小b以為好好玩！」 「真係吾可以看輕小朋友既觀察能力，大人做咩佢就會跟著做，仲學得好快，所以成日都話身教好重要！」   4.朱古力事件： 「小b每天放學回來我都會問他關於幼稚園既事」 媽媽：今日係學校開吾開心呀？ 小b: 開心  媽媽：今日係學校有無唱歌呀？唱咩歌？唱俾媽咪聽下？ 小b: 有， hello hello hello how are you.......goodbye goodbye see you again ...... 媽媽：今日係學校食咩茶點呀？ 小b: 食...食朱古力餅乾 「心諗，學校咁吾健康既，點解會俾朱古力佢食既」 「到第二天，我都繼續問佢關於茶點既問題」 媽媽：今日係學校食咩茶點？ 小b: 食蛋糕 媽媽： 咁飲咩呀？ 小b:飲朱古力奶 「媽媽10萬個為什麼，又好著急，究竟小朋友係咪講大話！定係學校真係咁正，有朱古力食有朱古力奶飲呢？於是我打俾老師搵答案！」 我： 陳老師，想問下尋日茶點係咪食朱古力呀！ 陳老師： 我地茶點無朱古力ga! 我：因為小臻呢2日都話係學校食朱古力！???? 老師：哦，呢2日小朋友係學校玩廚房玩具，可能廚房玩具裡面有個類似朱古力樣子既餅乾????啦。 「真係吾知好嬲定好笑，咁佢算吾算講大話呢！其實有時我買朱古力返屋企，小b都會搶住食! 開左個頭.........令佢愛上左朱古力」   小朋友真係好天真、好可愛，簡直令人又愛又恨，雖然自己是在職媽媽，但每天都會好珍惜同小朋友相處既時光，特別是他們2，3歲既時候係最可愛的，有時講d野會笑爆嘴，又成日做出好得意既表情，激嬲左你同你講sorry，行埋來攬住你錫。   媽媽們，你們還記得小朋友既趣事嗎？ Follow facebook page: https://www.facebook.com/小臻成長日紀-381630225920647/