喺3.8婦女節既日子，當然要約下婦女們聚一聚暢談一番，享受一下媽媽們的ME Time     選擇左一間位於觀塘區可以品嚐茶藝的「人間世茶會館」餐廳    預早訂了枱，當天一行三人2:30到達，一入門口見到好寬躺的空間，右邊層架擺放著各式各樣的茶具，見唔到有餐桌椅子，以為去錯地方       再行入啲就見到棵signature既樹同埋一排充滿日式裝修的地板，木製餐桌及長櫈，就知道無去錯地方喇      今日2點幾入坐好似包場咁，一個人都無，可能係平日辦公時間，個個都要返工 所以同媽媽們儘訴心中情時要控制聲量 一坐底要即刻叫左熱食先，因為熱食去到3點就last order, 之後只有沙律/甜品 Menu    最想試既和風明太子大蝦意粉竟然無，話轉左menu為龍蝦汁蟹肉意粉????最後揀左日式蒲燒鰻魚飯 另外本身黎呢到想試埋佢既signature特濃巧克力茶壺，點知暫停供應???????? 最想試果2樣都無，果一刻真係想起身走人???? 提醒大家記住想食某一種菜式時，記得book位時問清楚當日有無供應，否則空歡喜一場☹️   當日甜品有特定Menu,我左X果啲係無供應????     茶類menu 我點左一款熱食+一款果茶    熱食-日式蒲燒鰻魚飯 （下午3時前供應）  一上枱見到成條鰻魚放喺飯上面賣相已經好吸引，鰻魚口感有點乾瘦，如果再肥厚一點會更佳，不過以$158呢個價錢黎講，呢碟鰻魚的份量已經超值   臺灣果粒茶 入口帶酸味的果茶，越浸泡味道越香濃，反而加添一點水果的甜味，飲左好醒神開胃     黑芝麻慕絲石頭 伴碟好靚呀，黑芝麻慕絲入口幼滑，似豆腐既質感，黑芝麻味道好香，不會太過甜膩，再配合伴碟的芝麻餅脆脆一齊食，雙重口感～正     蘋果金寶芝士餅 朋友點的甜品，秒清左，應該味道不錯   總結食物有質素，伴碟美觀，坐位環境寧靜舒適，而且長枱夠晒一大班朋友坐埋一枱茶聚，但略嫌有點失望係想試的2款食物當天沒有供應 下次會打電話問左先再上黎食 日式餐廳環境優美，走時當然周圍影下相啦                   餐廳資料： 人間世茶會館 地址：觀塘駿業街64號南益商業中心6樓A室 （觀塘港鐵站A2出口，步行約6分鐘） 訂座電話：37021526 —————————————————- 希望大家鐘意今次我嘅分享啦~ 多謝收看 Siyi Bebee-小米琪日誌 歡迎合作：邀稿/合作試用/出席活動/美容扮靚/食品/食評/旅遊/穿搭 ????Email: siyibebee@gmail.com Facebook page: www.facebook.com/siyibebee IG: https://www.instagram.com/siyib YouTube: https://www.youtube.com/channel/UCUOXPLGpeX6kY1riCGqDVrA Blogspot: https://siyibebee.blogspot.com ESDlife blog: http://wow.esdlife.com/siyibebee BE Blog, Mamibuy Blog Openrice: yumi babe https://s.openrice.com/QrbT0kJOo00