三月「大埔青年藝術節2019」 經已圓滿結束，梵高爸爸有幸參與PLAYable 「彩繪迷宮」，於我而言是一個突破﹣一個半職爸爸闊別視藝工作8年，照顧湯丸BB的同時，想以表達藝術貢獻更多小朋友，推已及人。而PLAYable雲集一班有心追夢的資深遊戲治療／表達藝術師，在他們身上學會實踐，用心體驗：如何以日常物件作為玩樂素材，簡單創造遊戲點子：正如「彩繪迷宮」 ，只用紙箱，讓小朋友更自主自由自發遊戲，享受遊戲的過程，體驗真正的遊戲價值。 「彩繪迷宮」用了過百個紙箱組裝， 融入「自由遊戲」(playset) 概念： 穿梭在 1.4米高的紙皮迷宮內，任玩任跑，儘管高於他們一個身位，亦無阻他們玩玩玩，沿途可能會遇到掘頭路、魔術鏡、或者其它循環配件，如何前進？都是一份有趣體驗。小朋友穿著能污糟的衣服鞋子，展現天真無邪的笑容，盡情玩樂！玩，又點子(止)玩呢？以我的理解，自由遊戲就是這樣，沒有概定規則，沒有像Training般的學習進程，締造安全的空間，就是單純的玩樂。   短短兩日，已超過2500小朋友跟家長一同玩樂，他們有所得著，我們亦然。 過程中，多得PLAYable資深遊戲治療師／輔導員的分享， 當梵高爸爸遇到不同的小朋友，嘗試用不同的相處方式，用心了解他們的內在，至少acknowledge到他們的情緒，認同接納他們。 一） 梵高爸爸：小朋友，做咩留喺掘頭路度呀？ 小朋友A：呢度係牢獄，我偷咗鑽石坐獄1日 梵高爸爸：小朋友，唔好跨過窗口，注意安全 小朋友A：我要逃獄 二） 小朋友B：叔叔，我已經過關第5次 梵高爸爸：好叻喎！咁難都過到，Gimme Five????????????????Yeah~~ . 三） 小朋友C：我整親呀～ 梵高爸爸：咁你咪好痛lor~(誇張mode) 你洗唔洗膠布呀？ 小朋友C：(收起眼淚) 梵高爸爸：你好勇敢~咁你繼續搵出口啦喎   . 四） 正值繁忙時間，有個女仔經常俳徊出口位 梵高爸爸：小妹妹，你係咪好唔捨得走呀？可以再排過入口 小朋友D：e...哥哥，你點解拎住捲膠紙？ #轉移視線 梵高爸爸：我係差人叔叔，維持秩序又要維修迷宮 小朋友D： 我又要膠紙，我又係警察 梵高爸爸：你件制服呢？ 不如叔叔委派你做一個任務 小朋友D：係咩呀～ (超級興奮) 梵高爸爸：你好雀躍喎，你幫手維持出口人流，引導其他小朋友唔好經出口入嚟迷宮。如是者，呢個妹妹又可以繼續留喺出口位，又發揮到佢嘅使命感。 . 不單是參與的小朋友，籌委們至今仍心感喜悅﹣「彩繪迷宮」 運用環保意念，以便日後在其它活動重用，或改裝成小紙箱再製成玩具，延伸自由遊戲概念至社區。PLAYable 堅信：「遊戲是每個小朋友的本能，如陽光、空氣和水一樣，滋養著小朋友。」並繼續與童同樂，從「遊戲」讓孩子生命更豐盛又姿彩。   如想了解PLAYable的理念及最新活動，歡迎瀏覽  http://www.facebook.com/playable.ableplay   * 相片版權為PLAYable所擁有