話咁快，蠔豉妹妹就由手抱變成拖手了~ 其實由加固後，我就覺得蠔豉妹妹唔再係BB~ 一開始想行blw既我，最後都行返傳統餵食咁...千其唔好半blw、半傳統，因為會令BB好易混淆，咁樣會好危險！ 由一開頭食下奶糊、到之前食下米粉、意粉、通粉~ 食粉既時候主要都係加南瓜、紅蘿蔔、西蘭花咁~雞肉都會加下，不過其實都係食下嗰味~ 到一歲之後就開始食白飯加餸，蠔豉妹妹唔鐘意食粥，所以我都無乜煲過 :p 係整餸方便其實都無乜技巧可言，煎下蕃茄洋蔥蛋卷、蒸水蛋、無油炸雞翼、煎魚、烚下菜咁，可能你會話，一歲就食又煎又炸！食蒸好啲！其實我一開頭都係乜都蒸同烚，不過因為連調味都無乜，所以蠔豉妹妹揀食白飯就算... 之後我就決定加少少調味~煎或炸雞翼就剪走雞皮！果然，佢就食到津津有味！15months就大概可以半碗飯加2雞翼、少少蛋再加菜~不過唔知係咪行過blw既原因，蠔豉妹妹都偏向鐘意用手多過叉匙，不過我又無乜所謂，食到就ok~ 18months 之後，魚就成為蠔豉妹妹最愛！直頭取代雞翼！不過菜就唔多鐘意食...變成鐘意食瓜~節瓜、冬瓜、勝瓜都食~ 宜家出街我地都會俾大人野佢食，例如日式蒸蛋、湯烏冬、煎魚、手卷~基本上唔辣、唔太鹹，我地都會俾少少佢~ 而生果就一直都係蠔頭妹妹既下午茶！香蕉、梨、士多啤梨、青提子，每日輪流食~ 8 - 15 months 都愛食米餅既佢，宜家就唔多食，而改食白麵包、雙色包、提子包、pancake、西多士都可以~ 以前做人老婆，我都係煮下啲簡單野，好彩到蠔豉妹妹既要求都唔太高！自問唔係煮野好好，最主要原因係懶，但如果整的話，蠔豉妹妹肯食我覺得自己廚藝又進一步 :p   Facebook : 80後的人妻「旅」友  &  蠔豉妹妹之貓奴生活 Instagram : https://www.instagram.com/wingring 合作／邀稿 : wingring417@gmail.com / wingring@ymail.com