最近天氣麻麻地，去唔到戶外地方放電，於是就同左Natalie去香港兒童探索博物館！ 交通都幾方便，就係北角地鐵站附近，出A2或者A4出口都去得到。 $$大人細路都要俾錢，baby都要㗎。 Weekend:小朋友$110 / 大人$70 /長者$25 Weekday: 小朋友$90 / 大人$60 / 長者$20 每一節可以玩兩個半鐘。 ［Full咗就入唔到㗎啦，可以預先上網買定飛：https://www.childrensdiscoverymuseum.hk/tc/buytickets ］ 睇吓有咩玩：博物館主要分四個唔同主題嘅地方。   1️⃣漫遊小香港 呢個係比三歲以下小朋友玩嘅地方，扮成一個城市咁，小朋友可以喺入面行嚟行去探索下；另一邊有個爬行嘅地方，鋪晒軟墊，baby都啱玩！ 2️⃣愛耗大自然 呢個area有得玩水，所以比較多小朋友！ 館入邊有提供保護衣，防止小朋友整濕衫 除咗玩水，呢度仲有教大家保護大自然、愛護資源嘅遊戲同資訊。 遊戲方面有細細的繩網~ 有可以睇書嘅閱讀空間~ 有模疑係擋土牆嘅地方可以砌積木~ 有鬥快熄燈掣節省能源的遊戲~ 另一樣Natalie玩左好耐嘅就係個放大鏡，展館入面有唔同昆蟲標本，放喺放大鏡下面就可以投射左好大嘅影像出嚟，有蝴蝶、螞蟻同埋其他昆蟲。   3️⃣故事小舞台 呢度有手偶俾小朋友玩，有少少道具服飾俾小朋友扮嘢，又有畫板可以畫畫，俾小朋友創出自己嘅故事。我哋咁啱遇到有工作人員講故事，同埋教小朋友用唔同工具製造唔同嘅聲音。   4️⃣小工匠工作室 行到最入就係呢個area，可以喺大玻璃窗度畫畫（不過要排隊㗎）~ 有啲環保材料可以自己做手工! 大個啲嘅小朋友可以用水管、木板切野，同平時playhouse玩嘅嘢真係好唔同。 呢度有locker放野，記得帶定$5銀仔。 有乾淨企理嘅育嬰區同洗手間，帶小BB來玩都冇問題！ 兩個幾鐘好快就過完，呢度都幾好玩，而且好多資訊性嘅嘢可以睇可以學，$180一大一細來玩都幾抵。 不過Nat媽就覺得呢度地方細咗少少，唔係好夠佢哋放電 有關兒童探索博物館更多資料，可以參考返官網：https://www.childrensdiscoverymuseum.hk   ********************************************************************************************** 喜歡我嘅分享嘅話，記住like同follow我個Facebook page呀:) https://www.facebook.com/natalie.nathan.mum/ #親子活動 #室內活動 #兒童探索博物館 #落雨都去得 #有嘢學有嘢玩#bloggermama #bloggerkid