新年長假期  來一個突如其來的新春+情人節之旅 為各位媽媽們重點推介三大關西親子遊必去之選 EP3. 包包去哪兒 の 大大大阪 今日一起身就出發去黑門市場   咁就當然要醫飽兩位小主子個肚先啦 我地搵左間有得堂食既食堂   叫左d大人鍋物壽司   MENU竟然見到佢地有一個幾百YEN既兒童餐 有湯烏冬  有飯  仲有果汁  加埋兩隻日式摺紙   日本餐廳就是這麼貼心了     大阪掃街  一定要推介黑門市場      即開生蠔   海膽    2000YEN就有交易 一見到櫻花粉既TORO就知入口即融啦    必食推介 CHECK OUT左之後   我地就包車由大阪出發到有馬  *只需一個多小時左右就到左哩個關西最古老既溫泉之鄉 關於有馬: 有馬溫泉既地質環境特殊   同一般火山地形既溫泉區唔同     哩一帶附近係冇火山地形 但竟然有溫泉水從地底下60公里處湧出   相當特別 而有馬溫泉最出名莫過於「金泉」同「銀泉」 「金泉」係含鐵鈉強鹽既高溫泉   有保濕殺菌效果 「銀泉」係碳酸泉  可以加強血液循環及促進新陳代謝  消除水腫  (* 嘩嘩嘩  女士恩物) 而大家到訪有馬    就一定會見到一個流住金黃色小橋流水既【親水公園】 打咭聖地 而當地相當出名既街頭小食仲有炭酸紅豆饅頭      及整個有馬都在賣的炭酸餅   手信名物 個人推介清新既綠茶口味炭酸餅 黎到有馬   一定要行下哩條好有日本風情既商店街 起點有一間玩具博物館   樓高3層  門口就會見到一個特色打咭位 內藏多款特色日本木製玩具  可愛精緻  包包大愛 博物館對面就有一個免費溫泉水泡腳區    可以坐低慢慢嘆 一直沿斜路行上去   就會見到一個迷你鳥居 原來鳥居係日本神社既建築之一   傳說係一個連接神明居住的神域與人類居住的俗世通道 所以我地就教包包入鄉要隨俗    稍微鞠躬敬禮以表示對神明既尊敬 今次到訪有馬主要係帶二寶體驗一泊二食 當地有好多間溫泉旅館   最後就選擇左地理位置相當方便既【有馬御苑】 一般o係日本一泊二食既房間面積都相對大   絕對有足夠空間俾小朋友跑跑跳跳 仲可以同包包細佬B玩小朋友大愛既HIDE & SEEK  而且TATAMI床鋪就唔駛擔心小朋友跌落床既問題 CHECK IN 後就會有職員到房間為客人量度所著和服既SIZE 而且酒店相當貼心  為小朋友準備左浸溫泉而攜帶既熊貓澡堂小袋 內有小朋友既毛巾同小牙刷 嘩! 真係估唔到連細佬B既和服size都有     同家姐一齊著既和服look真係好kawaii呢 著得咁靚當然要影番張家庭相啦     *學校成日都要交家庭合照架嘛    大家閒時記得影多d 體驗一泊二食   最期待一定係佢地精心製作既晚餐 用餐前同包包玩下佢地休閒區既迷你乒乓小玩意先 嘩嘩嘩~開餐lu    哩份國產牛料理真係不得之了 刺身  天婦羅   shabu-shabu  燉湯  甜品   真係一次過滿足晒貪心既味蕾 至於細佬b因為不佔餐   所以派到日本香米飯一碗 白飯咁dry.....見到家姐份兒童餐咁豐富  又玉子燒   炒飯   意粉   炸蝦   沙津   漢堡    布甸   橙汁.....  一定要同細佬Ｂ開心share啦 食飽飽   休息陣   就帶左包包去體驗傳聞中鼎鼎大名既金湯銀湯 溫馨提示：因為泉水溫度偏高   唔係個個人體質都可以   而且浸泡時間要適可宜止哦 不過包包表示好好玩     就連户外既銀湯都有試浸 建議大家浸溫泉之前　要睇清楚注意事項 浸完溫泉包包當晚超好訓     第二朝訓飽飽就起身食早餐 今次主食係燒魚   仲有水波蛋配飯  yummy 至於包包份早餐都相當豐富     份量仲多到可以同細佬b share    食完又要準備check out　最後衝刺　出發去RINKU PREMIUM OUTLETS 由於OUTLET距離機場好近   所以坐夜機既朋友可以計劃去一去 行左一圈   價錢唔算特別抵   不過D款都算幾新幾靚 同包包經過LEGO SHOP   當然要入一入去啦 入到LEGO SHOP　指定動作   玩玩玩 砌砌砌 咁啱見到有得現場訂造LOGO鎖扣   自家創作   獨一無二 當然要試試啦 STEP 1:自選顏色 STEP 2: 俾錢 *跟住職員就會俾張紙仔你 STEP 3: 於格仔內填上DESIGN資料  *可用日文/英文/加符號 STEP 4: 只要耐心等待10分鐘 就可以見到製成品　　＊注意：雙面製作需要雙倍時間 製成品又靚又特別  買嚟做手信都係一個唔錯嘅選擇 當日正正就係情人節 　異地過嘅感覺寧捨不同 大小情人　情人節快樂哦～ 呢個家族新春之旅眨下眼就結束 　去旅行既時間真係過得特別快 至於帶二寶出國　雖然好辛苦好累     細佬b甚至唔會記得自己去過日本 不過媽媽好享受當中既過程  旅途上每一張寫真都係難能可貴 希望都驅動到你地帶埋小朋友一齊去旅行啦   期待下一次去更遠既旅程  包包繼續陪細佬b看世界 包包去哪兒 ?! 日本篇 大阪親子遊 2019 【包包去哪兒 の 大大大阪 ★ 有馬溫泉一泊二食初體驗 】 【包包去哪兒 の 大大大阪 ★ 活生生的博物館 】 【包包去哪兒 の 大大大阪 ★ 兒童職場打工日誌 】 東京親子遊 2018 【包包去哪兒 の 橫濱 ★ 麵包超人博物館 】 【包包去哪兒 の 反轉台場懶人包 ★ TeamLab 】 【包包去哪兒 の 東京市區嘆溫泉 ★ 大江户溫泉物語 】 【包包去哪兒 の 日本包車初體驗 ★ HEA遊箱根 】 福岡親子遊 2018 小旅孩包包【福岡親子遊】-Ep.1 小旅孩包包【福岡親子遊】-Ep.2 小旅孩包包【福岡親子遊】-Ep.3 小旅孩包包【福岡親子遊】-Ep.4 小旅孩包包【福岡親子遊】-Ep.5   想了解更多日本住宿/日本包車服務及親子遊行程交流--> 包包陪細佬b看世界 FACEBOOK專頁