悠媽相信醫治公主病的終極辦法就是 – 以毒攻毒！所以當我睇到之前有Blogger分享團購公主相優惠，二話不說就比錢JOIN，實行毒一毒悠姐！ 上回提到悠姐有好多條公主裙，但都嫌未夠靚，而悠媽又好贊同童年係佢的，就由佢去選擇點樣過一個開心的童年吧！雖則我都好抗拒公主，但都不能阻止佢發佢的公主夢，做媽媽的其實佢開心就等於我最大的快樂了。 今次我選擇咗 ALL ABOUT BABY baby, cake smash, family, newborn photography呢輯公主相，效果非常滿意，而且價錢亦相當親民，果度有很多場景選擇，迪士尼公主造型亦可自由選，悠姐就揀咗做佢最愛的ELSA，除迪士尼公主外個package仲包咗另選2款場景同造型，可選家庭照或美美的獨角獸小公主，當日悠爸無gel頭關係，我地放棄咗家庭照，揀咗野餐同獨角獸。 因為落錯車遲咗10分鐘，攝影師Syco好好沒有扣我地時間之餘仲好比心機同悠姐執靚個樣影相，影樓位於葵興地鐵站附近只需3分鐘路程，就算推住BB車都好方便，由於影完相我地打算入迪士尼血併，所以幫悠姐著咗套小丸子衫諗住入園踩場，咁啱ALL ABOUT BABY又有野餐景，真係夾都無咁啱造就咗小丸子寫真的出現，Syco一見悠姐造型就即上網搵小丸子係著咩鞋配襯，非常有Heart。化妝／Set頭／攝影都係Syco一手包辦，但佢無因為咁忙而馬虎處理每一個造型，專業程度，真係值得一讚???? 不過因為悠姐當日狀態麻麻，非常怕醜，每張相個樣都係一樣的笑容，不然我一定要哂所有相片! 影完後當晚Syco已經透過Facebook比哂我package包的15張相我，呢個係一般影樓都好小做到的，大約2星期後仲收到隻印有悠姐靚相封面的DVD作收藏之用，真係好喜出望外！ 如果你的寶貝都發緊公主夢，悠媽極力推介 ALL ABOUT BABY - Syco  樂。悠。遊