《自家製造型餃子》   同包包玩泥膠玩得多，不如試吓玩麵粉啦！突然諗起不如試吓自己整餃子皮啦！小朋友好得意，通常自己有份整嘅食物都一定會食得比較多，仲好欣賞自己嘅成品，細佬都好捧場㖭！   大白菜造型餃子 - 粟米淮山瘦豬肉餃 紅蘿蔔造型餃子 - 菠菜豬肉餃 小朋友玩得開心，食得開心???? 做法:  菠菜餃子皮 菠菜苗10扎 - 菠菜水100 克 (先去莖留葉，灼熟後加入100克水並用攪拌機打至完全無粒) 麵粉250克   甘筍餃子皮 甘筍2條 - 甘筍汁100克 (用搾汁機打甘筍榨汁) 麵粉250克   白色餃子皮 麵粉250克 水100克 餡料 菠菜豬肉餃 菠菜1斤 半肥瘦豬肉半斤 (如想口感更佳，肥豬肉可以多少少) 菠菜切碎後用鹽出水， 並揸乾水份 豬肉用鹽、糖、麻油、胡椒粉和半隻雞蛋醃1小時 最後把所有餡料撈勻   粟米准山豬肉餃 粟米1條  半肥瘦豬肉半斤 (如想口感更佳，肥豬肉可以多少少)豬肉用鹽、糖、麻油、胡椒粉和半隻雞蛋醃1小時 准山50克 （磨蓉） 最後把所有餡料撈勻 餃子皮要猜至唔黐手 轆平綠色皮，再將白色皮轆成圓柱體放綠色皮中間，卷埋再切2cm 厚，然後白色就會喺中間被綠色圍住喇！甘荀皮做法一樣 ，之後就用你嘅創意去做出可愛形狀啦