小主子生日大過天   當然要嚴選一下性價比高   加上高顏值既生日蛋糕呃like啦 市場上既蛋糕店五花百門   價錢由幾百到幾千蚊都有 如有實體店的   大可安心購買   如果係online shop 都會先了解一下用料 特別問清楚係咪用上食用級顏料   今次就同大家分享一下米高媽媽為包包同細佬b所訂過既生日蛋糕小點子~ 同時仲有特別用心製作的蛋糕店   希望各位媽媽都可以多多支持   小點子1.) Vive Cake Boutique 主攻小清新少女心媽媽市場   粉色系人見人愛 相信大家IG都見過唔少明星post過哩款生日蛋糕相 所以包包1歲生日既時候  就潮聖一下  訂左哩款Uni-cone | Rainbow 1LB $600起   有8種口味可供選擇    身為茶控媽媽既我就首選哩款Earl Grey  伯爵茶口味  味道就是輕輕的小清新伯爵茶味  而蛋糕較為厚實 但賣相就相當吸晴    睇下包包見到個蛋糕既樣就知   真係相機食先 而另一款就買左Berry Jolly   蛋糕係Sponge Cake 小主角都可以淺嘗一下 小點子2.) Pica Pica Cakery 哩間蛋糕店專玩小朋友大愛造型   講得出 師慱都會幫妳實現 而且職員相當貼心  有問必答   仲會幫妳諗方法慳錢而又做到妳想要既效果 拎蛋糕當日Preview時 發現旗仔寸錯囡囡英文名   職員立即補救 上年我訂哩個2lb蛋糕   價錢大概$700左右     收到實物真係好靚     靚到同場食客都要過黎影相    d薯條係用牛油曲奇製成   包包大愛 份量都好有睇頭  蛋糕味道可選 原味 / 朱古力 / 咖啡 既海棉蛋糕 夾心可選2-3種 : 芒果 / 士多啤梨 / 藍莓 / 朱古力脆珠 / 菠蘿 / 罐頭水果 以造型蛋糕黎講算係睇得又食得  小點子3.) Make it Make it既蛋糕款完全中晒童話式媽媽既少女心 小女孩款有勁hit既獨角馬    Merry-Go-Round    水晶球     小王子款式有月球燈   四駒車雲石蛋糕 細佬b一歲正日生日訂哩款木馬蛋糕   主要係因為佢個Merry go round音樂盒配上保鮮花    可以留念做擺設    而且仲識發光旋轉    1lb價錢為 $788  不過美中不足係攞蛋糕後一小時內要放雪櫃   時間上有d趕     而佢地主打既Unicorn cake味道特別(分別係紅桑梅、柚子同埋熱情果)   唔係人人都鍾意 不過影相出黎效果都幾靚既~ 小點子4.) YOKU MOKU HONG KONG 細佬b另一個生日gathering就訂左哩款 "會說話的南青山蛋糕卷" 分別有原味同奶茶味   原味有好香既雞蛋味   就連細佬b都食左成件 而奶茶味就相當有驚喜  連d cream都好好味   屋企人都大讚 而最特別就係可以o係蛋糕卷上刻印「Happy Birthday 加 (Name)」 *Happy Anniversary  Will you marry me? 等驚喜句子都可以架 而且價錢合理  原味$178  奶茶味$188  刻名加$35   需於3個工作天前訂購  小點子5.) 幸福 · 手作饅頭 唔知大家有冇見到之前Sammi IG post過哩款手工人樣造型饅頭 絕對係另類生日蛋糕之選 上年太婆生日  我地就訂左個兒孫滿堂饅頭點心盤俾佢 太婆收到果時不知幾開心 饅頭分3種味道: 芝士/ 蕃薯 /朱古力   (個人覺得朱古力最好味) 另外只需提供人物相片俾店主  就可以做出栩栩如生既饅頭 $400 8個造型   另可加$50 加大主角饅頭Size 黎緊Mother's day可以考慮一下~ 包包同細佬b都做得好似架   小點子6.)  包媽媽蛋糕屋 想推介哩間蛋糕店係因為蛋糕店背後既故事  因為屋企突然失去左經濟之處(包爸爸)   店主-包媽媽決定努力做好每個蛋糕    希望能夠獨力養大囡囡菜肉包   堅強地好好生活落去 店主廿幾年嚟由曲奇到蛋糕  韓花唧花到糖皮樣樣都學過 宗旨: 只要客人有想做嘅蛋糕   識做嘅都會盡力做到最好! 而且包媽嘅蛋糕係... • 冇防腐劑同乳化劑 • 唔會用蛋糕預伴粉做 • 選用冇激素雞蛋 • 採用日本麵粉 • 訂貨前一天製造，確保食品質素 就連朱古力蛋糕都係用Godiva可可粉製造 所以大家近期訂蛋糕  可考慮一下包媽媽蛋糕屋小店 包媽~加油呀!   小主子每一個生日  媽媽能夠送上一個特別既蛋糕   都係一份窩心既祝福   想了解更多包包同細佬B既二寶日常及親子分享--> LIKE 一LIKE 包包陪細佬b看世界 FACEBOOK專頁啦~