產後復工之後第一個要處理的問題當然係泵奶，建議在復工之前預早同上司溝通好。我好幸運，有一個很體諒我的上司，而且公司也是一個母乳友善的工作間，所以返工要泵奶並不算太困難。 我記得復工之前一個月，我擔心復工之後會無奶，所以我就開始調教自己的身體和儲奶。但幸好我既擔心是多餘。 進入正題，奶泵，冰種及配件當然是必須啦，但也有其他返工泵奶必備的用品： 1）Hand free bra: 因為泵奶會好悶，而且都會想可以上網。我好多時會睇個仔既相，幫助出奶，也試過仔仔件衫返工聞，聞一下精神會放鬆一點。我用的是Simple Wishes hand free bra, 有試過在淘寶買了一個，可是質素不好，用一陣拉鍊就爛了。 2）消毒洗手泡泡: 應該不用多說了吧，保持清潔。 3）微波爐消毒袋: 把泵奶配件都放進去消毒袋，再叮3分鐘，消毒完成才泵奶。另外也有買消毒噴霧。 4） 盒子及清潔用品: 把用過的配件裝好，再拿去洗。因為我會在公司泵兩次奶，所以必須清洗配件。 其實要用的物品也不算多。 不過，有時都會遇到泵唔起既情況，通常因為BB剛埋身食完，因為佢吸力太大，泵既吸力比不上，就出唔到奶。但我也不敢把力度開太大，怕泵傷乳房。另一個原因，是因為太心急，想快點泵完，但d奶就愈泵唔出。還有，我發現調整乳頭在喇叭內的位置也是非常重要，我會讓乳頭放置在喇叭管內稍高的位置，但並不會貼住喇叭管，同時自己也要坐直才容易泵。 要解決泵唔出既情況，都會用手先打圏按摩及用手指由外掃向乳頭，喚醒乳房。之後，通常出了一個奶陣之後，會出左8成奶，要泵出剩下的兩成，我會把奶泵調至按摩模式，按摩之後再泵，有時會配合按壓。 不過，有時都真的會泵唔到，咁我就會唔泵，等下一轉早點泵，我都是不想太強逼自己。