系準備懷孕時已經同肥豬爸b討論決定系邊間醫院生產。知道懷上了立馬去私家診所確認再即時去廣華醫院登記！(娘家既位置可以選擇QE或者廣華) 身邊好多朋友都話廣華好啲，就決定了。 另外 我就一直私家同醫院2邊檢查。因為醫院系無得照超音波既！ 廣華醫院登記後比左2個預約日期我，一個系初診，另一個系唐氏早孕期篩檢。 初診當日 先是量血壓 磅重 度高 驗小便 之後會抽血 完成以上既程序就是等見醫生！系等緊既時候 有位助産士姑娘 會有個小簡介 大概介紹廣華產檢的程序、房間位置、注意事項、產前講座、入院須知等事宜。我諗當時在場既都係初診媽媽 在大堂等待聽到自己名就會入 診症室 醫生先詢問一下病歷，家人有否高血壓、糖尿等等，然後確會認預產期，問我要不要當天的假紙及預產期信等等，之後我就去床上準備。 聽肥豬bb既心跳 之後 醫生會黎床邊用手檢查胸部同肚，沒問題後就可以落返床，當日我遇到醫生好好 會同我講好多注意事項 或將有可能出現既身體狀況。而我問既問題亦都好樂意解答。 拿了假紙，預產期信同一張黃色紙仔(報名產前講座既指引)就可以拎返今次覆診紙出去放低系指定位置後 就系大堂等候區等拎下次覆診的紙。   我系廣華醫院最初懷孕每4星期去檢查一次，到到大約28週開始2星期檢查一次！再到最後36週一星期一次！一般檢查都系磅重，量血壓，驗小便，見醫生，聽心跳，度肚圍。   注⚠️ 請各位媽媽要自備小瓶，收集產檢當天的第一次的小便，檢查的結果會比較準確 ----------------------我是分隔線---------------------- 想知道我地多D動態,就快D Like我地FB同Follow IG啦..=] Instagram : https://www.instagram.com/heyluk_bb Facebook : https://www.facebook.com/heylook.611