趁著小b爸能夠放到星期六，我哋就去到大埔新開有機農莊，玩咗半日，放慢腳步感受一下大自然！    「蝶豆花園 」以蝴蝶、豆科作物及蝶豆花作為主題，環境優美舒服。地點離市區不遠，對無擁有私家車嘅我哋嚟講尚算方便！因為好多時去農莊，都係去易走難，所以我哋係比較少去農莊嘅！     園內多個影相打卡位，尤其係風車花海，相當吸睛，還有超巨蝴蝶、心心打卡位、懷舊電話亭、 天鵝湖、蝶豆花長廊、彩虹蜜蜂箱、STEM Gallery等..... ▲▼蝶豆花長廊展示慢活金句及知識版，展示與主題相關的知識，包括蝴蝶知識、咖啡豆知識和花朵知識。   ▲▼STEM Gallery內有一個用餐區，提供輕食、蒸飯、飲品。 另外，仲有小朋友玩樂設施 小小動物區，可以餵飼咩咩羊同小白兔 亦提供多個DIY工作坊以供參與，包括: 蝶豆花特飲製作、蝶豆花砵仔糕蒸製作、咖啡砵仔糕班、有機咖啡烘焙製作班、農耕體驗等。 ▼製作蝴蝶酥 ▼香草栽培講解及種植    集齊園區地圖背面的3個印仔，就可以換取小禮品。   感恩當日天公造美，無落雨！我哋玩咗半日，係個唔錯嘅地方，一家人放慢腳步，同小朋友輕鬆下、玩下、感受一下大自然。   蝶豆花園 Butterfly Valley 地址：新界大埔鳳園路8號 預約: 6583 5111 (平日只招待預約團體，8人成團，並需要參加體驗活動) Facebook: https://www.facebook.com/butterflyvalleytaipo/ 網址: http://www.butterfly-valley.com/   收費: 入場通行証試業優惠價$70一位 3歲以下或65歲或以上免費入場 體驗活動試業優惠價$198一位 (已包括連入場通行証，並送餵動物飼料、飲品及蝴蝶祈福板/卡通沙畫) *大人陪同上堂$100連入場通行証，送餵動物飼料、飲品及蝴蝶祈福板*   交通: 於大埔中心巴士總站坐20M小巴或大埔墟站坐20P小巴在鳳園茶座落。   notes: 1. 一定一定要做足防蚊措施