PART I 介紹完【包包去哪兒 ★ 復活節去邊好?! - 珠海篇】 今次就到澳門篇 其實珠海去澳門既方法好簡單 只要o係珠海去拱北關口 出境過關再入境就到澳門 而且一出外面就有去唔同酒店既免費接駁巴士 非常方便 今次因為吃貨包想食buffet既關係 (*香港食buffet真係愈黎愈貴) Youtuber推介 得知澳門銀河酒店-Festiva都幾值得去食 所以行程安排左中午去食lunch buffet 出發前預先o係香港買定超優惠buffet coupon Online預約 專人致電安排付款 之後會收到確認電郵 再打印e-ticket於入座時出示就可以 成人自助午餐真係$200 有找 (*已包所有services charge) 再睇埋下文就知有幾抵 時段 適用日期 成人 小童/長者 午餐 一至五 $165 $145 六至日 $195 $165 佢地既中午用餐時間分兩段 建議早十五分鐘到 以便安排坐位 更有機會較早入坐 午餐時段 第一場 11:30 – 13:30 第二場 13:45 – 15:45 Seafood Zone 雖然冇生蠔供應 不過都有兩款刺身同新鮮海鮮 當然有小朋友都食得既卷物啦 包包至愛-蟹籽壽司 但對於蟹籽變成綠色大感好奇 問媽媽都唔知點答 小朋友問題天天都多 真係要睇多d十萬個為什麼 熱葷款式非常多 仲好好味 推介炆牛尾 聽聞哩度夜晚BUFFET既佛跳牆都好出名 不過中午就冇得供應.... INDIA ZONE Festiva主打亞洲國際美食 所以INDIA ZONE由印度主廚主理 由香料到紅花米飯都非常講究 香辣印度咖喱值得一食 小朋友必食推介-鮮制手打麵條 幼麵爽口彈牙 又係值得一食 麵包芝士區 細佬B最愛既鬆軟麵包 多款麵包選擇 總有一款o岩你口味 甜品區 款式多 而且全部mini size 絕對可以滿足甜品控既胃口 一般BUFFET只包一杯FREE DRINK 哩度係無限添飲既 分別有橙汁同凍檸茶 最後食番幾杯回本雪糕 食完先ON DIET啦 以下為必食推介 大家拎三文魚時 可以問下有冇三文魚腩 超肥美 仲有心太軟都好好味架 食後感-包包都大叫好味 以咁既價錢係值得ENCORE既 有機會試下佢既晚餐BUFFET先 另一個想同大家推介既親子CHECK POINT就係位於新濠天地3/F既「童夢天地」喇 由創意 X 電玩 X 探索 X 星夢主題區組成既17,000呎玩樂空間 入場收費 小童+ 成人 (2 小時) 另加成人 (2 小時) 小童加時 (每30分鐘) 成人加時 (每30分鐘) 星期一、二及五 (逢星期三及四休息，指定學校假期除外) 澳門幣120元 澳門幣50元 澳門幣30元 澳門幣15元 星期六、日 / 公眾假期 / 學校假期 澳門幣150元 澳門幣70元 澳門幣35元 澳門幣20元 *一歲以下免入場費 入場注意事項: 小朋友入場需要穿著長袖衫（蓋過手腕）長褲（蓋過腳踝）及襪子 陪同家長都要記得著襪呀 特別鐘情哩個PLAYHOUSE係因為佢富有建築美學既設計 就連放鞋區都咁artisitic 一入去就會見到哩個小朋友大愛既蹦蹦跳區 3..2...1JUMP! 打卡必影位 大玩裝置藝術及大膽配色 可以衝擊一下小朋友既視覺感觀 想帶幼兒去既家長大可以放心 哩個幼童樂區域絕對適合 PLAYHOUSE必備可以訓練小朋友幻想力既煮飯仔 鐘意畫圖畫既小朋友亦可去「創藝坊」參加DIY創意工作坊 大玩摺紙填色 放電區 行到最入就有多款巨型滑梯 完全可以滿足追求刺激快感既小朋友 一飛沖天波波火箭 小朋友們搶住玩 玩緊既途中見到有職員回收波波進行清潔 真係辛苦晒 哩款波波球氣熗都幾好玩 仲可以考下小朋友既眼界 包包大愛既迴旋滑梯 前前後後玩左十次lol 場內有多款POP提示小朋友要注意安全 爬上又爬落 o岩晒高電量寶寶 「衝天迴旋」巨型滑梯設計充滿未來感 刺激感滿分 「超電玩」設有多款最新遊戲機 鐘意電玩既大朋友可重拾童真 大玩特玩 (*需自費) 另外仲有額外收費既「大變身」等小朋友可以著起戲服 搖身一變成為英雄人物或童話公主 於週末及指定假日 現場仲有精彩既小丑表演 話劇 手繪 小朋友仿如置身嘉年華一樣 「童夢天地」內設有育嬰室 方便母乳媽媽 環境寬敞舒適 另有冷熱水機提供 如年齡較大既小朋友 可以放心俾小朋友於場內耍樂 家長們就可以o係休息區玩電話睇雜誌 消磨時間 原來佢地仲有partyroom「童夢間」 為小朋友締造開心難忘既生日會回憶 如果包包o係哩度開生日會 一定開心到傻 三日兩夜玩轉珠海。澳門兩大PLAYHOUSE 咁樣既行程安排 家長們既可以食下探魚 BUFFET 小朋友又可以無限放電 簡簡單單一家大細就可以過番個難忘既復活節假期啦 如果各位家長想要今次行程既懶人包--> INBOX 包包陪細佬b看世界 FACEBOOK專頁交流下啦~
