做左媽媽之後，都真係好少再拎細嘅斜孭袋出街lu～因爲每次帶埋bb出街都會好多野拎。    好耐之出過一篇初生bb外出tips，有興趣可以參考返：https://bit.ly/2mho2rL 一到9m+，出街就唔似以前咁淨係帶尿片同餵奶巾就ok⋯⋯除左要帶返我上一篇文章提及嘅物品，以下嘅物品都好有需要！ 如果以出去半日為例： 1. 食物+水樽 係出門口前，我盡量都會同bb食左野先，然後就會整定啲pancake/麵包/果蓉/波波米帶出去比佢食。最方便其實都係果蓉架喇，因為一開即食又唔洗煮，哈哈！好岩趕時間出門口嘅媽咪！   2. 消毒產品 去到9m+，佢地出街好自然會掂多左啲公共設施，例如我孭住佢搭地鐵坐低左，佢都會捉住隔離個扶手想玩（已經幻想好多細菌）！雖然話要接觸多啲菌建立免疫系統，但今時唔同往日，依加啲菌太太太勁了，所以間唔中都要同佢地抺手/噴AQ    3. 玩具 有時候同朋友出去，坐低食嘢，未必一定個個都會揀親子餐廳，所以我都會帶定一兩件玩具，等佢哋出去嗰陣都有啲嘢玩，佢成日扭計～    4. 多一套衫（夏天） 去到夏天，小朋友好多時都可以玩到出汗，所以帶定多一條汗巾/衫，比佢哋出汗嘅時候可以換，唔會咁易攝親！ 每次要帶咁多野，我都會用一個書包就拎晒！題外話，媽媽們帶書包，都要揀番啲輕新、可以潑水嘅質料會比較好！因為小朋友嘅嘢已經好重，如果個書包輕新啲，我哋都會冇咁辛苦！    同埋揀一啲間隔多嘅書包，咁樣你同BB嘅嘢就可以分開放，急起上嚟都好容易搵到需要嘅嘢放咗喺邊度！我呢個係BODYSCA嘅花款書包，都真係好輕好實用架！ヾ(●゜▽゜●)♡    鍾意我嘅分享可以Like我地Facebook同IG比個支持我！會更快知道我同小恩恩既Update架！ Facebook：https://www.facebook.com/90sMummy/ Instagram: https://www.instagram.com/minarainlo/   <br />