一年大小事，生日會，媽媽聚會，朋友聚會，全部都要搵場地，但係點樣先可以揀到一個正場呢？今個月係嶠媽生日月，朋友仔都係同我同月生日，咁大家都有小朋友，又想聚一聚，所以就去咗位於屯門嘅 Party House【Why Open】。 一出升降機，就會見到【Why Open】門口㗎啦！ 一入到嚟第一時間要除鞋，換上預先準備好嘅拖鞋！ 然後我地就被安排去到「雲朵房」，門係油咗粉藍色，掛住白色雲朵。一入嚟，房間嘅牆都油咗粉藍色，而且仲吊住咗幾朵白色雲朵造型燈，好靚！而且房間有幾張梳化，感覺好舒服呀！ 房內仲有卡啦OK，真係可以盡情唱K啦！ 另外，房內有電動麻雀枱，真係見到都手痕呀！可惜今日唔夠腳，下次一定要約齊腳，媽媽打牌，爸爸係出面陪玩。 小朋友們又點會肯留係房咁耐呀！10分鐘唔夠就已經嘈住要出去玩。兩位小閨蜜第一時間坐上靚靚繩網吊椅，配埋靚靚花牆，影返十張八張靚相先啦！ 之後第一時間梗係衝去波波池啦！個波波池係「4米 x 4米」大，由深淺粉紅色 x 白色 x 透明波波夾埋一齊，影相超靚！嚟張全家福先啦！ 波波池上面其實都好靚㗎！上面嘅波波燈大小不一，顏色不一，一睇就知用咗好多心機配襯，媽媽表示好喜歡。 之後呢個真係堅好玩！「超級無敵閃避棒」，開頭兩位小妹妹都唔知點玩，唔敢玩！朋友仔爸爸訓身陪玩，兩個識玩後都超 high！ 睇吓呢張相，就知道佢地玩得幾投入！ 下一站，夾公仔機！呢排嶠媽愛上夾公仔，夾到真係好有成功感㗎！每局$2，嶠媽唔洗 $10 已經夾到兩隻啦！最開心係，芊嶠會話「媽媽你好叻呀！」。 派對房又點止小朋友嘢玩呢？大人都有份㗎！桌球枱是不可缺少的，直情係爸爸們至愛啦！嶠爸都話真係好耐冇玩過。 最正係，桌球枱搖身一變，就變咗氣墊球枱，媽媽們又來一戰先，玩嘢好耐都分不出勝負。 另外，竟然仲有「專業掟鏢機 DASTALIVE 2」，爸爸們雙眼發哂光囉。嶠爸係有姿勢有實際㗎！好型呀！ 之後就介紹嶠爸至愛，就係呢部街機啦！嶠爸應該係大部分時間都冇離開過呢部機囉！ 劻霖表示佢又要打喎！又幾有姿勢喎！投入度100分。 跟住呢個就係嶠媽最最最開心嘅，就係呢個 150 吋投影大銀幕 + 音響設備，仲正過去K房囉！嶠媽嶠爸都點返幾首合唱歌先，真係唱到停唔到，好懷念呀。 兩位媽媽都好有感，合唱咗好多首歌！有個小型舞台比媽媽們表演喔！ 呢兩位小妹妹就坐係到，又話都要合唱一下喎！ 另外，特別介紹呢個「即影即 print photo booth」，可以自己獨照，再一家人合照，但4張相影嘅時間係好快好近，大家要隨時 Ready 好呀！ 4張相影出嚟就會係咁嘅 Design。 Print 出嚟就可以拎走㗎啦！ 仲可以 Email 返比自己㗎！ 另一樣，爸媽最擔心嘅就係廁所啦！我想講個設計都好靚呀！而且入面好乾淨，我都真係要讚一讚。 呢排芊嶠學校教關愛座，佢就成日要扮大肚媽媽，今次連朋友仔都陪佢一齊玩，點可以唔影返張相留念呀！ 細佬又想學家姐扮大肚，我就話不如擺個靚 pose 同麵包超人公仔影張相好過啦！ 臨走，媽媽表示要同佢嘅小情人，係靚靚花牆影張靚相，打卡呃 like 先！ 【Why Open】仲有好多 board game 玩㗎！玩完記住放返原位啦！同埋西鐵站行去唔洗10分鐘，全場3600呎，仲要24小時營業，呢個都幾特別㗎！ ++++++++++++++++++++++ 【Why Open】 詳情及預約：5111 6669 地址：屯門新安街11號華泰工業大廈7樓 Facebook：https://www.facebook.com/whyopenparty