Cherli 本身經期一向幾準，嗰次係預計生日當天會來，但過咗生日兩日都未見來，所以早上一起床立即拎驗孕紙 check check 啦～ 一驗之下，終於見到兩條線，梗係影低即刻同 c6 講啦～ 但佢竟然係問我張驗孕紙 “有無過期” 喎～ 不過佢算係咁啦，當日下午陪我睇醫生，醫生確認相同的結果，突然 c6 講咗句 “恭喜你呀～” 我即刻叮住他，回咗句 “你都有份㗎～” 拎埋懷孕証明信之後 (不過我睇嗰個西醫有點流，因為及後至發現寫錯咗預產期)，佢就急不及待同 99 報喜啦～   之後 c6 笑笑口問我做咩 “偷驗”，其實我驗的半個月前開始發現以下兩個平時沒有的特徵： 1）身體經常 keep 住熱：其實 Cherli 一向怕凍唔怕熱，而嗰時啱啱過咗中秋，c6 體温正常，但我係熱到頸後標哂汗，又唔係發燒又無唔舒服。 2）乳房漲大：兩邊乳房成日漲住，幸好沒有覺得痛，但有少少痕癢。   响頭 3 個月呢段時間，孕初期引致的不適都幾嚴重，連分享文都無咩精神寫，真係覺得不好意思。   返工期間異常眼瞓，坐响 office 不時頭中中，還好對工作進度的影響不大 (至少沒聽到投訴)。 另外亦有嘔吐，但並不太嚴重，可能胃口太差，唔係太食到嘢，無咩嘢到肚，尤其聞到剛煲好的白飯味寧舍反胃，從而令到口胃轉變不少，對於蔬菜水果的需求大咗好多，所以好多時覺得好頭暈。 而最令 Cherli 煩惱的就是便秘問題，以前的每一日去得超暢順，但孕初期真係可以谷住三幾日無得去。請教婦科醫生後，才得知原來食 Materna 容易引起這個問題，建議我真係覺得辛苦可以暫停一兩日，同埋可以飲西莓汁。我試過只係飲一小瓶，已經可以連續去到 3 日，不過效果因人而異，之後每日 keep 住食一個唔凍的橙就穏定下來。   今次講住咁多先，下次再分享更多，希望大家喜歡～ ​   謝謝各位收看，希望大家喜歡，歡迎任何合作和試用或出席活動 My Email: shirleylkl1002@gmail.com My Facebook 專頁: https://www.facebook.com/cherli.blogging My Instagram: https://www.instagram.com/cherlili/       我的其他平台 Blogspot: http://shirley1002.blogspot.hk/ U Blog: http://blog.ulifestyle.com.hk/blogger/Cherli/ BeautyExchange: http://www.beautyexchange.com.hk/blog/cherlili She.com: http://blog.she.com/cherli/ Beauty life:  http://www. beautylife.hk/ ?100410 Elle Blog: http://blogs.elle.com.hk/Cherli WeShare: http://weshare.hk/cherli ESDLife: https://wow.esdlife.com/space.php?uid=56047 Mamibuy: https://mamibuy.com.hk/home/17175/