復活節假期，芊嶠有成16日咁多，我知道有啲學校更多。咁長嘅假期，想小朋友玩得開心，大人又想誤樂一下，咁就可以去 Super Park Hong Kong，其實我一直都想嚟玩㗎啦！今次我地嚟玩，仲要係嚟挑戰【Super Easter Race】。 差唔多到門口，就會見到大大塊紫色牆，即刻影返張相先啦！ 門口就係呢到啦！ Super Easter Race 總共有6個遊戲挑戰：SUPERHOOP、SUPERPINBALL、HOT STEPPER、AUGMENTED CLIMBING WALL、STREET BASKETBALL & SUPERBOWLING。 **大家記住要完成6項遊戲、隊員要同每個遊戲嘅分數個照 (總共6張照片)、根據3個指定時間去登記處報到，仲會即場怖結果及領取獎品。 SUPERBOWLING (超級保齡球)：於1分鐘內爭取最高分。望落好易，其實要控制力度好難，要推個波上去唔難，難就難在太大力會跌落零分洞，太細力會跌返落嚟。 最後，我地竟然都拎到800分，記住記住隊員要同分數合照呀！ SUPERHOOP (投籃挑戰站)：最多同時4人於1分鐘內爭取最高得分！對於小朋友嚟講，真係太高啦！ 但有埋隊員嘅幫助，表現又唔錯喎！ 最後，有5000分呀！有超班表現呀！都係一如既往，記住集齊隊員同分數牌合照呀！ SUPERPINBALL (彈珠足球場)：採用足球、用腳踢嘅超級彈珠遊戲，最多同時3人於1分鐘內爭取最高得分！睇下芊嶠幾好腳力。 再叻嘅人都需要隊友嘅幫忙嘅！加油呀！ 最後，得分：900，都有唔錯嘅成績。 HOT STEPPER (瘋狂勁舞台)：跟著遞增嘅速度順序踏中正確嘅踏板。顯示屏會展出腳踏嘅位置和分數。 隊員好叻，拎到92分呀！記住要同分數合照合照合照呀！ AUGMENTED CLIMBING WALL (數碼攀石牆)：最多同時3人於3分鐘內拍打蝙蝠得分！ 打中咗隻蝙蝠呀！ 芊嶠都好努力幫手打蝙蝠㗎！大家要留意，打得幾開心都好，手千其唔好離開攀石牆，否則就會 game over 㗎啦！ 得分：11分，得呢張合照咋！ STREET BASKETBALL (街頭籃球場)：於1分鐘內爭取最高得分！單對單又點話呢？ 我射波啦！Yo！ 最後，得到7分，總共入咗7球，每球1分，我見個籃板都好高，7分真係算係好成績㗎啦！ 另外，大家要留意場內，見到呢隻 Super Easter Bunny，見到佢一定要捉實佢。因為同佢合照完，再 upload 上 Instagram，hashtag #superparkhk，即可獲得額外5,000分㗎啦！唔好睇少呢5,000分呀，佢可能就係勝利嘅關鍵呀！ 大家記住要保管好呢張卡，呢張卡嘅分數記代表住你隊員努力嘅成績。填好哂6個遊戲嘅分數，於12:30pm/5pm/8:30pm前往登記處，仲會即場公怖賽果及領取獎品。 挑戰完 Super Easter Race，劻霖話要玩下波波池喎！ 仲有呢個韆鞦真心正！媽媽都好想上去玩。 呢個鏡面滑梯，唔會太快，劻霖都玩咗10次。 +++++++++++++++++++++ Super Park Hong Kong 地址：Shop G03, G/F One SilverSea, No 18 Hoi Fai Road, Kowloon