踏入四月份，又係另一個長假期 - 復活節 嘅來臨！ 你地諗好去邊玩未呢? 未諗到?  唔緊要，我地小JM家就揀咗去Super Park放電！ Super Park今個復活節帶來一個全新芬蘭競技遊戲 －  迷你運動競技賽 SuperEaster Race！ SuperEaster Race 由2至4 人組成一隊參賽，參加六項運動遊戲嘅挑戰賽，而所有完成賽事嘅團隊仲可以獲得豐富嘅獎品添架!   而SuperEasterRace每日分為三節，時間為分別係： 上午9時至下午12時30分 下午1時30分至下午5時 下午6時至晚上8時30分   講明係競技賽，自然會計分同有獎品。 所以記得每個項目完結後記得自拍影但相，再填返落卡交去登記處計分及換取獎品啦！   事不宜遲，一齊睇下到底 迷你運動競技賽 SuperEaster Race 係玩咩啦! VIDEO:     競技遊戲包括： 1.) 投籃挑戰站（SUPERHOOP） 最多四人參與　　限時：一分鐘 難度指數：***   要係一分鐘內投籃以取得最多分數！ 但要注意，係唔可以企入台上架！ 另外，如果入齊晒咁多個籃的話，仲會有額外分數添架！ 小JM未夠高，又唔可以企上台就唯有做下球僮先啦！ 爸爸就負責密密射，最後成績都算係咁啦！     2.) 彈珠足球場 (SUPERPINBALL) 最多三人參與　　限時：一分鐘 難度指數：** 於限時內射波以取得最高分數。 但記得唔可以超越白線，否則就會即時完結架啦！ 係考驗腳法與體能技巧嘅一個項目！ 真係少啲準成度同腳法都唔掂！ 唯一估唔到嘅係，平時打籃球嘅爸爸原來都可以踢到兩腳架喎！ 失覺晒！失覺晒！     3.) 攀石牆 (AUGMENTED CLIMBING WALL) 最多三人參與 限時：三分鐘 難度指數：*****   呢個項目非常考驗體力，少啲體力都頂唔住！ 一跌落來就會GAMEOVER架啦!       4.) 街頭籃球場 (STREET BASKETBALL) 最多三人參與 限時：一分鐘 難度指數：***   要係限時內入得最多波！咁就要考你準成度同體能啦！   5.) 瘋狂勁舞台 (HOT STEPPER) 難度指數：*** 記得。記得。記得。一定要快。狠。準！唔好猶豫呀！   爸爸試咗幾次都話攪唔掂～ 有雙位數已經算好好！你不如又試下，睇下會有幾多分啦！     6.) 保齡球 (SUPERBOWLING) 限時：一分鐘 難度指數：* 呢一項好啱同小朋友一齊玩，但小JM就未夠力，都係要由爸爸幫手嘅。 不過呢個已經算係易搶分嘅環節之一來架啦。   睇完介紹係咪好吸引好想玩呢？ 偷偷話你知，SUPERPARK仲設有特備驚喜，隨時會有特備員工SUPEREASTERBUNNY出現同你決一高下添架！ 唔單止咁，參賽隊伍只要同SUPEREASTERBUNNY自拍，再上載到IG並Hashtag #superparkhk的話，總分仲會額外增加5000Points添架！   「競技賽」當然唔少得有豐富嘅獎品啦！ 一於等小JM家為大家探索一下有咩獎品先！   1.) 所有完成賽事嘅團隊均可獲得After6門票，每二人可獲一張。 2.) 當日每個時段嘅最高得分者，可獲SuperPark 藍球或SuperPark足球乙個。 3.) 全場總冠軍（整個比賽活動期間嘅最高得分者），將可贏取終極大獎﹕ 　 SuperPark滑板車乙架（價值港幣$1,000）及SuperParkHong Kong全年門票（售價待定）。   而其中嘅全年門票暫時仲未發售架，只有全場總冠軍先可以優先尊享架咋。 如果你都想成為其中一位幸運兒嘅話，就快啲約埋朋友仔一齊來玩啦！   場內設有小食店，玩到攰時不妨抖一抖、食啲野補充一下體力先再玩過都未遲呀！   【小JM家優惠分享】 只要喺Facebook生活時報「公開分享」相關帖文 (http://t.cn/EiCW4AA)， 並喺入場時向SuperPark職員以手機展示「公開分享」嘅畫面， 即可獲贈： SuperPark彈床防滑襪一對   你都快啲黎SuperPark盡情放電啦！   ~*~*~*~*~*~*~*~*~*~*~*~*~*~ SuperPark Hong Kong  芬蘭一站式室內活動樂園   時間：上午9時至晚上9時 地點：香港九龍海輝道18號 一號銀海地下 (鄰近奧海城)