上篇提及完深圳觀瀾湖酒店嘅設施同前往方法 今篇就講距離酒店僅5分鐘車程嘅新城大型商場 其實除左深圳觀瀾湖酒店之外，東莞都有架，呢度可以免費搭內部shuttle過東莞果邊，車程約30分鐘，但今次我地就唔過去啦，聽講果邊酒店更新更大，下次一定要過去睇下！（皇崗都有免費車直接去東莞觀瀾湖酒店大約45～60分鐘） 而我地要去嘅新城就只需要5分鐘車程（當然都係免費車啦） 商場有bb車可以借用，非常kids friendly 而且仲好dog friendly，商場周圍都可以帶狗狗，當然地方都好乾淨，而且全部都會上繩，怕狗狗嘅朋友可以放心 我地第一站就去左玩卡丁車 頭盔有分小童同成人 戴好頭盔就可以上車啦 阿桃咁細緊係要坐親子車啦，兩邊都可以揸車嘅，但就好似學車咁，大人位可以隨時剎車 場地唔算好大，彎位亦唔算急，小朋友都可以handle到，大朋友就當然要加速甩尾玩飄移啦！ 之後我地嚟到蹦床公園，久仰大名左好耐，香港super park又太貴，今次正好嚟深圳體驗下 如果小朋友夠大可以自己玩，家長可以係上面嘅休息區嘆住飲品望住佢玩 仲有按摩椅，爽呀！ 另外大人小朋友都必須著帶有防滑墊嘅襪先可以入場（應該冇咩邊個大人有吧？）盛恵¥10/對 入場前要消毒手仔 全場都係彈床 盡情彈盡情放電  另一邊有小朋友波波池同好hit嘅彩虹繩網區  繩網位真係打卡必備 顏色又靚 兩父子即刻俾我強行捉住影番張家庭照 波波池唔算太深，波量好足 仲有千秋玩，邊搖邊踢起d波，超開心  攀石牆同球類區 攀石牆大概有2個成人咁高，小朋友夠哂挑戰性，下面仲有海棉粒保護 呢個真心好玩，著住痴滿魔術貼嘅特製衣，助跑痴上牆（但阿桃死都唔肯玩，話唔要痴住喎） 可以借助彈床一嚐灌籃嘅滋味 仲有個兒童室內遊樂區 呢個滾筒型滑梯都幾得意架，仲有唔少滑梯玩添 玩完本來想去飲杯野小休一下，點知兩父子路過又俾保齡球場吸引住 有小朋友嘅賽道 亦都有大人嘅賽道 但吸引住兩父子嘅係入面嘅機鋪呀 ¥1/局相當抵玩 仲有夾公仔機添 咁樣搞一搞，我地決定提早食晚飯，食完先再行商場，晚餐我地就揀左係新城對面嘅美式餐廳PATIO，呢度雖然唔係酒店入面，但都可以照用package入面嘅$500餐飲卷架！ 環境闊落之餘，一樣有齊bb櫈同餐具 夜晚仲有表演添，邊食邊聽歌，充滿情調 綜合拼盤 ¥78 西班牙肉丸 ¥65 Pizza ¥78 重頭戲：巴迪奧漢堡 ¥65 厚實多汁嘅牛肉加上生菜、芝士、蕃茄同炸洋蔥圈，再配上自家調配醬汁，超級好味！ 另一重頭戲：燒雞 ¥72 以小春雞製成，肉質鮮嫩，雞皮又夠脆 再配上粗身薯條，超滿足！ 阿桃都食到停唔到口！ 食飽之後繼續行商場，入面有戲院 溜冰場等等，全部都達國際級，香港寸金尺土真係好難搵到 兩父子仲走左去玩唱K房，就咁一間房就俾你過下癮咁，其實香港開都諗得過喎 仲飲恨地俾我地發現左個巨型playroom 玩具啦彈床啦玩車啦繩網區一應俱全 重點係價錢，日式playroom一大一細都只係¥68，加多個大人只係¥10！ 可惜我地太遲發現啦！飲恨呀！ 同個集團仲有機動遊戲，係度又灑左少少金錢滿足阿桃入唔到去playroom玩嘅情緒 如果你地好似我咁大頭蝦帶漏野，呢度都有個大型超市，尿片、零食、飲品咩都有得買架！ 第一日行程結束啦！ 聽日就會去手工藝場同生態體育園大玩特玩，歡迎繼續留意啦 我地係官方渠道買package，俾出面賣得更抵架！ https://lihi.cc/ixIhp