兒童節大家去咗邊度玩啊？我哋就去Origami Kids Cafe 紙飛機親子空間玩同食晚飯 入到去紙飛機，望到嘅都係白色的佈置同木色嘅餐枱椅，地方闊落，感覺好舒服。 睇吓有咩啱玩先～ Natalie見到掛住幾條公主裙，即刻揀咗條粉紅色嘅裙，仲有其他衫可以角色扮演～   細佬就好多嘢都啱玩，首先有個圍欄圍住嘅地方，鋪左軟墊，入面放咗各式各樣適合小Baby嘅玩具。 行入少少，有車車、搖搖馬！ 再行入少少，有木製嘅攀爬設備和滑梯！呢個玩意非常適合一歲到三歲嘅小朋友玩！ 然後，行到墜入就見到由細細粒木粒組成嘅沙池！沙池好似一個樹屋咁嘅設計，上面有閣樓，有啲木製嘅火車玩具；下面就係一個沙池，細佬喺入面玩到唔願走！！ 沙池旁邊仲有一幅牆可以砌Lego! 另外，用餐區旁邊有個好正嘅閱讀空間，有好多繪本！ 唔差佢前面仲有一個廚房+超級市場範圍，各樣玩具非常之新淨。 食物方面 呢度食物嘅選擇唔算少，以中式食物為主。 我哋今晚去咗前菜四小碟、台式滷肉飯、密椒汁雞翼、仲有1個兒童餐。 食物嘅份量OK，味道都OK，兒童餐賣相唔錯，真係吸引到小朋友可以坐定定食！不過成個時段得兩個鐘，佢都係坐低食咗一陣就去咗玩～ $$收費方面 一歲以下小朋友免費 一歲以上小朋友平日$138玩兩個鐘，週末$198 （呢個價錢唔包食物的） 大人唔使收入場費，只需要喺場內食嘢或者飲嘢消費，每個大人最低消費$100 [慳錢攻略: https://www.sozmart.com/tc/deal/food-and-beverage/all/OrigamiKidsCafe%E7%B4%99%E9%A3%9B%E6%A9%9F%E8%A6%AA%E5%AD%90%E7%A9%BA%E9%96%93-%E5%85%A5%E5%A0%B4%E5%88%B8/] 值得一提嘅係，呢度嘅親子育嬰設施好完善，泵奶、餵奶有獨立房間，洗手間有換片位置。 如果日間來玩，玩完紙飛機仲可以出去啟德郵輪碼頭天台公園繼續放電～ 如何前往（參考啟德郵輪碼頭網站） 小巴: 綠色專線小巴86號 路線：往返郵輪碼頭 至 九龍灣港鐵站（德福花園） 巴士: 九巴5R 路線：穿梭行走郵輪碼頭、牛頭角及觀塘港鐵站 城巴22 路線：穿梭行走郵輪碼頭、又一城 渡輪: 富裕小輪 航線：經啟德跑道公園碼頭往來北角及觀塘碼頭 的士: 郵輪碼頭前設有的士上落客區，方便旅客往返。 #親子活動 #放電 #放空 #啟德郵輪碼頭 #親子餐廳 #紙飛機 #兒童餐 #室內活動