不經不覺已4週年，我們一家還是想去一間美味的餐廳慶祝一番！上上星期去了佐敦一間西班牙菜餐廳～     餐廳室內雖然唔算好大，但環境舒靜，牆身同窗邊都放左好多小盆栽, 營造到一個好 Relax 的小Garden (其實還有個空中花園用膳區，我諗日間在外用餐更加似在Garden食飯)     食物方面有Dinner Set 、 單點西班牙菜式及多款海鮮拼盤！今次慶祝活動，我們試了好多款：     櫻花蝦柚子煙鱔魚薄片沙律 擺盤好靚，所有菜、魚都好鮮甜，配上柚子汁更將鮮味提升！     菠菜西班牙薯丸 這裏在薯仔內再加入菠菜蓉，再直接油炸，做到表面脆卜卜，裡面煙韌的口感，食之前點上千島醬，很可口。     黑松露野菌忌廉湯 飲得出蘑菇的鮮味！是真的用野菌加黑松露及忌廉打出來的忌廉湯！好濃郁的香菇味道，每一口都好creamy，難怪海馬仔都大口大口的飲落去！     鮮刨黑松露牛肝菌雲吞 雲吞一向是我最喜歡的菜式！香濃嘅黑松露, 雲吞上還刨上了多片黑松露，醬汁份量超多, 非常 Creamy, 雲吞內包入濃濃的肉粒蓉，配上醬汁一口滿足～     西班牙海鮮飯 必試！想當年我們兩個去honeymoon都有去到西班牙，食過這西班牙菜的代表 - 西班牙海鮮飯，今次食返令人又回味甜蜜的回憶呢！ 這裡用上豪華海鮮材料, 包括龍蝦、蟹肉、大蝦、魷魚、青口、蜆。上枱一刻已非常賞心悅目，而且色彩豐富美食，未食已攞100分！試埋味道，所有海鮮都非常鮮味，飯底完全吸收晒所有海鮮精華，每一口都很juicy的海鮮味，每食完一口都很想再食！       總結：味道好，價錢不太貴，週年慶祝/ 紀念日慶祝 非常化算～ 老公表示我good job     Chelsea Garden & Restaurant 網址: https://s.openrice.com/QrbS0uWS800 地址: 佐敦柯士甸道7號UQ Place 4樓 電話: 39740822 泊車方面：大廈沒有泊車位；建議泊對面童軍總部 （weekend $27/hr)