仲記得小Timson 自出娘胎後咁岩撞正農歷新年，個時我都好擔心有太多人抱佢，攪到從此習慣要人抱著睡，一放落床即喊既陋習，漸漸地發現真係開口中，佢識得比個可憐樣我睇、唔抱就大叫唔肯罷休，哪怕連一滴眼淚到冇，名符其實係一名惡霸寶寶，個時我喺到諗，唔通要一直抱，抱到佢1歲先肯停？？     到Timson個半月時我又嘗試幫佢戒夜奶，半夜個餐冇比佢食，直至清晨5-6點先食第一餐，每晚4點幾人肉鬧鐘又會叫醒我換片、安撫、比奶咀佢希望佢能夠再次入睡，只不過他還小未懂得食奶咀，成日跌出嚟，一跌即喊，晚上4點幾後我會一直呆坐在旁觀察他的一舉一動至下一餐奶，我的肉體好想我投降但潛意識又提我唔可以訓，呢段日子真心攰!!!     可能係長期唔夠訓關係，有一日當我一覺睡醒睜開眼時，望住個天花板係咁轉呀轉，轉到連落床都不行，暈陀陀的，暈到我一整天都不敢抱他，擔心自己貧血第一餐要食朱古力，幸好那天老公不用上班可幫我頂更，那時的我真正被打倒了。     從前還有時間扮靚、護膚，現在新的一天來臨，還是先安罝好他喝奶、哄他睡，自己的日常事排至最後，刷牙洗臉 ，然後食早餐，總覺得每天的時間不夠用，當他安靜已入睡，又好想趁機做自己喜歡的事，心想還是睡覺好?? 真的兩難，有時候太忙，忙至連午餐都沒吃，直踩至晚飯，發覺連饑餓感都拋諸腦後。   這段日子需要很疲累，但眼見他一天天的成長，由出生後的一粒栗子頭變了今時今日的葫蘆頭，內心是甜甜的，一切都很值得，這一刻但求他平安、健康快樂地成長就好了~     不知是老天爺感受到我的累透指數將要爆登，還是小Timson開始懂得愛錫媽媽，這幾天他長大了，變得很懂性，午睡可以由1點睡至4點多，晚上10點喝奶後，原先打算零晨1點餵最後一餐，結果他一直睡，睡至翌日7點，雖然半夜4點還是會喊醒要求換片，但他都沒有從前的扭計，換完尿片放回他到床上，給他奶咀自己繼續訓，訓至翌日7點多，這一切對我來說已經好好了，順利成章Timson也成功戒掉喝夜奶的習慣，很感恩! 原來他也是一名天使寶寶喔!   Facebook FanPage: YukiHui’s Life Blog Instagram: b.yuki_hui Email: yukihui130@gmail.com   Mamibuy Blogspot She Blog  Elle Blog BeautyExchange Ulifestyle Cosmo Talk Sina Blog  BeautyQooza Weshare  Mamidaily  靚太Club MYBB.com Beauty Qooza