有關懷孕後期清胎一事，各有說法，有啲人認為冇胎毒呢回事，有啲就好緊張要清胎毒，都係個人選擇 我陀唯b時冇特別清胎毒，感恩佢啲皮膚都算唔錯（只係個人做法，唔係鼓勵大家唔使清） 今次陀妹妹都一樣冇經常煮或者煲啲咩清胎毒，不過有次去買乾貨嘅時候，個老闆娘提議我得閒煲呢個湯飲 其實沙參玉竹有清熱功效，所以平日煲嚟俾一家人清熱都唔錯，唯b飲過都幾鍾意！   **食譜只供參考，請因應個人體質而決定，或先諮詢註冊中醫師。   材料（4人份量）： 沙參　一両 玉竹　一両 麥冬　一両 淮山　一両 杞子　一両 紅蘿蔔　一條 腰果　約一隻手掌份量（隨意都可以） 水　約1.5升   做法： 1. 紅蘿蔔去皮、切件、洗乾淨 2. 其他材料浸洗約20分鐘 3. 凍水落全部材料，煲約1.5小時就完成 Please like our Facebook Page: https://www.facebook.com/weplaynlearn/ Follow us on our Instagram: http://www.instagram.com/kly.chu