星期日我地遠征去左東涌玩呀！事先我已經plan好哂行程，因為難得Timtam仔第一次去東涌玩，仲可以去撘纜車，希望可以睇更多玩更多！ 第一站：昂坪360水晶纜車 其實我都係第一次坐昂坪纜車架咋！開頭都怕水晶車Timtam仔會唔會驚呢？佢不知幾興奮！指住機場的飛機叫我睇，周圍望四周風景！全程坐左約20分鐘，大嶼山的風景好靚，真係值得一坐！       第二站：巨型復活蛋打咭 一出纜車站就見到呢個打卡位，係復活節限定架！復活蛋上面仲畫左好多香港特色建築物，如果細心留意，係不遠處可以見到大佛的側面添！    第三站：昂坪市集睇舞蹈巡遊表演 我地行下影下相，剛好到4點場睇復活節限定的舞蹈巡遊表演，表演者除左有2隻大復活蛋，更有著上麻雀、港式雞蛋仔、仲有太平清醮平安包造型跳舞，好得意呀！佢地行到去林村許願樹位置表演，再走到纜車站同遊客拍照留念！    第四站：同天壇大佛Hi Five 穿過昂坪市集，我地就向天壇大佛位置進發！一見到長長的樓梯我就頭暈，派左爸爸同Timtam仔上去, 我話大佛打開左手掌等緊你上去同佢Hi Five呀！Timtam仔就好開心跳跳紮咁同爸爸行左上去喇！    第五站：睇牛牛食草 大嶼山呢度不難見到牛牛，每隻都好大隻！Timtam仔第一次見到真牛食草草，佢回程時不停講「牛牛、牛牛」！    第六站：東薈地outlet行街shopping 回程時食東薈城食埋晚飯先走，剛好想買鞋比Timtam仔，上左10樓的Dr.kong特賣場，$120就有對波鞋仔喇！款式都幾靚！ 東涌一天遊完滿結束，媽媽我頂住個肚其實都好攰，不過一家人難得出去玩，影左咁多靚相，有個開心回憶都好值得！復活節大家都不妨去東涌玩下啦！    昂坪360纜車 Ngong Ping 360 Cable Car 網址：https://www.np360.com.hk @港式復活蛋萌遊 360 日期：2019 年 3 月 30 日至 2019 年 4 月 28 日 地點：昂坪市集 @港式復活蛋萌遊 360  星期一至日及公眾假期  12:30; 14Edit:30； 16:00 表演後設有影相時間，唔好錯過呀！ @親子手繪復活蛋工作坊 *請於 360 旅遊資訊中心預先登記參與工作坊 星期一至五：13:00 星期六、日及公眾假期：13:00；15:00 **活動期間凡「讚好」或「追蹤」昂坪 360 指定社交媒體專頁，即可於360 旅遊資訊中心換領港幣$5 昂坪市集商戶現金券 #昂坪360 #NP360 #復活節親子 #港式復活蛋萌遊360 #親子活動好去處 #復活節 #假日好去處 ====================================== Facebook: Timtam仔的成長日誌  合作聯繫：Timtamfamily@gmail.com 駐站Blogger :  #Esdlife 靚太club #媽咪幫 Yahoo親子 #BK Milk #PressLogic 親子日常# ubaby Magazine #Beauty Exchange #ublog #hk01