小時候嘅十蚊店已經重新轉形   改名為Aeon Living Plaza 入親去   大人小朋友都好似尋寶般 必有收穫 皆因佢哋嘅自家品牌Daiso 於日本有好強嘅開發團隊 而且所賣既產品價錢超值  性價比非常高 唔使下下都淘寶   買咗啲令小朋友用得唔安心嘅產品 一於為大家推介一下$12必買推介 玩具篇 哩兩款小玩具可以訓練小朋友既小手肌及耐性 包包玩到幾入神 至於下邊果款迷你珠珠木座  就o岩晒用黎訓練靈活既小手   小朋支最鍾意同公仔換衫 唔好以為玩公仔只係女仔既專利   其實男仔都好適合玩架  因為可以大大增強想像力 同時可以學下著衫換衫   公仔衫仲有多款選擇 而靚靚變身魔法棒都係$12一件 Mini block lego 街外賣哩類mini lego   一set都幾貴下  哩度有多款造型選擇   小動物...人仔....汽車 應有盡有  都係12蚊一套   抵買 大家可以考慮下買黎做生日會回禮小禮物 文具篇 小朋友最鍾意用七彩繽紛既顏色紙做勞作 如果平時買一張畫紙咁大張 又用唔曬 哩本顏色紙畫簿 設計非常貼心 一本有齊十種顏色 啱曬俾小寶貝用嚟做手工勞作啦   誠意推介呢款輕黏土  $12就買到日本製造嘅輕黏土   仲有多色選擇 DAISO出品  必屬佳品  家長同小朋友就用得安心又放心啦 日用品篇 小朋友帶生果三文治外出用餐必備 - 小朋友食物盒  餐盒外型可愛  都係賣十二蚊一個 再配上可愛造型小叉 令食物觀賞度升級 真係靚到唔捨得食 同小朋友開Party 各種節日  家長們最鍾意整禮物包或小曲奇送畀小寶貝既好朋友 呢度嘅禮物包裝袋設計非常colorful 仲用上大熱小清新圖案設計  收到禮物時 見到個靚靚packing  大小朋友睇到都覺得開心   兒童牙刷 12蚊3支  $4一支 傻的嗎? 仲分幼童同小童年齡   抵抵抵! 日日運動身體好 買埋呢款入水嘅啞鈴 咁就隨時隨地都可以同小朋友喺屋企做baby gym啦 Mickey篇 從小教導小朋友做個愛護地球嘅乖孩子 所以外出必備環保小手巾  可以減低使用紙巾 Mickey嘅高質手巾仔都係12蚊條 Mickey/ Minnie廢子桶同樣12蚊一個 啱哂用嚟裝飾佈置屋企   同場另有$25嘅好物推介 包括有迪士尼既怪獸公司/米奇/維尼熊矽膠冰格 可愛圖案地墊 三眼仔米奇毛巾 粉色系mickey杯 同埋動物fake print 咕o臣 全部都只係25蚊 真係平過玩扭蛋 如果下次大家經過銅鑼灣 仲可以去埋哩位於百德新街嘅Mono Mono  同樣係Aeon生活百貨店  但佔地兩層  真係行極都行唔完 佢哋仲有海量精品同日本零食 就連日本化妝品都有   呢度簡直係大人同小朋友嘅購物天堂呀 真係超超超多嘢睇 包包同細佬b都開心shopping中 至於Minion Fans注意  佢哋仲Minion嘅小餐具  (*雖然唔係獨家) 都係$12.9起  啱曬買俾鍾意minion既小朋友啦  ＄１２尋寶記報告完畢~ 希望大家有時間慢慢同小朋友去尋寶啦~ 米高媽媽敗家日記 嘩! ♥ 【$10 AEON 嬰兒夾衣 快閃超三優惠】 嘩! ♥ 【$55一件COTTON ON潮流童裝】 嘩! ♥ 【$39 UNIQLO 保暖童裝揮手區】 【2019荷花BB展- 潮媽 ♥ 必買推介】 【法國經典童裝品牌限時優惠♥ 】全天候雙面外套$399?! 【2018BB展- 德國品牌/製造產品 ♥ 敗家必買推介】 【2018書展-兒童天地 ♥ 敗家必買推介】 【日系天空藍控廚房新玩具】♥ 慢燉養生陶瓷鍋   Like一Like 包包陪細佬b看世界 facebook專頁   可搶先知道更多至潮至UPDATE親子分享 米高媽媽好物推介 。慳錢情報。心靈雞湯。親子旅遊。包包去哪兒。潮食週記。