自從有左hey!魚之後.. 每日都係學習學習學習... 孕期已經學定點樣照顧bb... 上左好多唔同既講座... 但上幾多堂睇幾多書都好... 到實戰全部係另一回事... 1.餵母乳 我好天真，以為好易... BB自己搵奶飲又覺得好易... 但原來好難... 首先初出世既BB..係唔識得啜媽媽乳頭.. 而媽媽又未上奶... 所以係要不停比bb吸啜先可以製造到奶... 當餵到奶..就發覺要學泵奶.. 喇叭，泵奶機...各式各樣.. 要不斷睇資料搜集先買到岩自己用既.. 泵奶成功啦...但到左塞奶時間 XD.. 去健康院搵姑娘教點樣可以通番... 點樣按摩幫助d奶流得順... 剩係餵母乳已經有排學:) 2.沖涼，換片 呢兩樣係覺得最容易既事... 全部既產前講座都有講... 但第一次幫hey魚換片... 我竟然包到要禁鐘叫姑娘=_= 因為條片好大..BB好細... 甩黎甩去... 仲有d胎糞..痴到我點抹都抹唔到... 最後都係姑娘黎教我... 沖涼,上堂玩假bb...又唔識郁又硬.. 點沖都得... 但對住初出世既bb..軟淋淋.. 每一下都要好小心... 我試左好多次先成功一個人幫佢沖涼要包毛巾... 3.加固 放埋一齊整飯仔就得啦！ 完全錯晒...XD 我0係Hey魚4個月大開始準備學點加固...用左個半月時間去研究.. 一開始米糊點開都攪左大半日... 到開始食其他野啦... 每日都係到磨菜磨蓉... 到大多小小..要切大粒d比佢學咀嚼... 跟住我又遇上BB唔肯食飯.. 從來唔煮飯既我又再研究點樣煮可以吸引到佢.... 依家hey!魚14個月大啦.. 黎緊教佢顏色，字母，自己食飯，去廁所等等... 媽媽都要去學習... 真係學海無涯 ~ 曾經我都覺得自己好無用...唔識做媽媽... 但真係無人天生就識...:) 大家加油♡   聯絡我或產品試用:RUBY.1125@HOTMAIL.COM facebook page: https://www.facebook.com/haileybabywhy/  (hey魚b之日常) https://www.instagram.com/rubybeelau?r=nametag  媽咪幫mamibuy???? https://mamibuy.com.hk/home/11104 Mamidaily親子日常???? https://mamidaily.com/author/rubylau?type=bloggers Esdlife???? Https://wow.esdlife.com/space.php?uid=26783