飲湯係海馬仔最喜歡的~所以媽媽我都會投其所好，盡量煲多啲湯，飲多啲水份係好既！今次這個「魚翅瓜栗子川貝湯」好好飲～   魚翅瓜好有營養，擁有豐富纖維，清熱解毒，仲可以扮魚翅食～加上栗子 - 健脾補腎、川貝 - 清熱化痰。湯水煲出來超濃郁，一家大細都啱!     材料 魚翅瓜 半個 栗子 15-16粒 川貝 1/4両 南北杏 15-16粒 蜜棗 2粒 豬展 $30   做法 1.豬展加薑片先飛水備用 2.所有其他藥材材料洗淨，浸約15分鐘; 栗子洗淨 3.魚翅瓜切大塊大塊，不用去皮 4.加入六大碗水，水滾後將所有材料放入煲內，大火煲滾後轉最細火煲1.5-2小時 （鹽按自己喜好加入適量）     建議18個月以上寶寶享用 ———————————— 追蹤海馬仔的飲食[食譜]，請like & follow 海馬仔成長日記 │ 亦歡迎大家電郵聯絡我們試用產品或出席活動~   =====海馬仔Channel===== Facebook │ Instagram │ Blogspot│ SundayKiss│ Ohpama.com│ Cook1Cook│ Mamibuy │ ESDLife │ 媽媽經 │ 親子集合#tagmum  ilovemama │ She.com│U Blog│WeShare