自從上年10月無請工人姐姐，半年來兼職會計、網店，返工湊阿仔去媽咪屋企，基本上無放過假，每日不停地工作！直至上個月決定放棄兼職，轉做全職媽媽，請不要羨慕我⋯已經過無限次內心爭扎，才做出這個決定。 前排有同事問我，做乜又好似瘦咗？ 我：係呀！無時間食野！ 同事：點會呀！而家湊仔應該好得閒架！ 我：唔係囉！要騰黎騰去，好忙，阿仔又成日痴住我。 同事：你氹咗瞓覺咪得閒囉！ 我：我話我阿仔唔瞓晏覺，掛住玩。 同事：小朋友唔係好鍾意瞓覺架咩！ 我：唔係架！ 原來好多人都認為湊小朋友係好得閒?   當全職媽媽要面對的是，可能要很長時間，過這些每日重覆又重覆日子，除了照顧阿仔每日3餐、家務、晚餐，一腳踢～無停手，食無定時得到胃病⋯得爸爸一個人搵錢，變得慳家⋯ 慳得$1得$1，很容易鑽牛角尖，聽閒言閒語，令人不安。   我有兼職經營網店，可以令我找到滿足感，還找一些有興趣去學習，向著理想前進，靠我雙手幫補家計，不用爸爸一個人搵錢咁辛苦。