踏入初夏  又到轉天氣季節   細佬B過左一歲後  濕疹雖然好左好多 但佢既皮膚就有如天文台   見到佢面部開始有紅疹  又或者癢癢的狂抓關節 即預告未來幾天將會落雨   所以作為濕疹B媽媽絕對不能鬆懈  因為小朋友平日其實好易接觸到致敏原 如塵蟎、蝦、蟹、牛奶、化妝品、清潔劑、紫外線、動物毛髮等 濕疹B媽媽除左可建議根據之前文章分享所提及既日常生活注意事項 【細佬B濕疹大作戰! ROUND 1 】 【細佬B濕疹大作戰! ROUND 2 】 最重要記得 關節部位應保持乾燥 洗澡後記得為皮膚保濕 儘量避免接觸化學洗滌用品 保持睡眠充足 飲食清淡而健康   保持大便通暢 確保腸道健康 另外仲可以靠食療養好身體 終極目標當然係為BB踢走濕疹 所以閒時就會煲自家製袪濕茶俾家中大寶貝清一清體內濕毒 今次同大家分享兩款自家製袪濕茶 冬瓜無花果薏米水 燈芯草定驚祛濕茶 冬瓜無花果薏米水 材料非常簡單 只需加約2L水  煲45分鐘左右就完成 因為無花果已經天然甜   所以冇添加任何糖份   天然甜已經好好飲 包包同細佬B都有追飲   由於利尿關係   所以飲完會發覺小朋友去多左洗手間    無需擔心 燈芯草定驚祛濕茶 唔知你地D小朋友夜晚訓覺   半夜會唔會旭手旭腳   發開口夢  又或者大叫大喊 我家包包就經常性半夜踢黎踢去   哭鬧大叫..... 只怪小朋友腦部發展太活躍   專家話佢地夜間訓覺時   大腦會重組日間活動片段    從而令小朋友夜晚偶然會喊叫   甚至哭鬧   如嬰孩更會因為早上受驚或肚風導致半夜哇哇大叫 有見及此   請教左專業陪月   o係坊間買左包燈芯草定驚祛濕茶懶人包 煲俾小朋友飲   當然要了解當中既材料啦 只要將材料洗淨    煲45分鐘-1小時就完成 由於乾蓮蓬會有苦澀味   所以最後15分鐘  就加左半磚片糖 (中醫角度: 片糖有解毒功效  煲完都係微甜   所以大可放心飲用) 小朋友可以暖暖飲用     如一大煲全家一日內都飲唔完   可以放入雪櫃冷藏 大人夏天凍飲哩款自家製祛濕茶   一定健康過飲紙包飲品   溫馨提示: *飲用涼茶前   記住要因應BB體質    大人都要注意  特別係孕媽媽不能飲用  如BB健康正常  可俾小杯量試飲  而涼茶屬性偏涼   不宜經常飲用    米高媽媽廚房 小朋友咳咳咳 ♥【100%天然藥水】 【無添加 ♥ 解暑涼茶】 秋日愛心湯水♥【 五色彩虹雜菜湯 】 新手媽媽必讀 ♥【BB加固每日一Poo的秘密】 試食 ♥ 澳洲嬰兒有機品牌BELLAMY'S ORGANIC 【日系天空藍控廚房新玩具】♥ 慢燉養生陶瓷鍋   Like一Like 包包陪細佬b看世界 facebook專頁   可搶先知道更多至潮至UPDATE親子分享 米高媽媽好物推介 。慳錢情報。心靈雞湯。親子旅遊。包包去哪兒。潮食週記。