究竟哥哥食咩食到咁滋味呢?   今次孖媽整左「芝士白汁三文魚字母粉」!! 超簡單易煮… 芝士營養豐富，高鈣又多蛋白質， 妹妹麻麻地就咁食芝士，所以孖媽要花D心思搞搞佢~   材料只係需要: 三文魚、字母粉、字母粉水、鮮奶、芝士、牛油 1. 先將字母粉煮好，保留部分字母粉水 2. 三文魚切碎 3. 牛油煮溶，加入鮮奶及字母粉水拌勻 4. 再加入芝士煮，直至芝士融化 5. 最後加入三文魚 煮熟即可 6 .將芝士汁淋在字母粉   *煮過意粉的水含澱粉質，在煮醬汁時混合一起煮，可令醬汁煮後更濃稠。