大家好! 我係S媽媽! 喺2018年5月，小豆釘就靜悄悄咁出現左啦！雖然依個小豆釘比原定計劃早到了，但既然緣份到了，就要好好珍惜！ 媽媽一直無諗過懷孕會有幾辛苦，但原來真係唔簡單嫁～容許我講返少少血！淚！史！（真係充滿住血同淚呢） 至於我係點樣發現自己懷孕呢，就係一直感冒不清，有一晚同老公睇睇下電視仲無啦啦衝左入廁所嘔！跟住老公就問咗我一句：你會唔會有咗BB？然後我就去咗買驗孕棒驗孕啦！第一次唔相信，仲買多次驗呢 :P 當時心情既興奮卻有少少失落，因為無諗過咁快...唔知係咪因為小豆釘嫌媽媽唔夠開心，決定要媽媽由天堂跌落深谷!! 我只係開心左兩日！係兩日！就開始了我的"黑暗6月"！ 由少少流啡到突然流大量鮮血，係好似失禁咁係咁流，搞到要喺公司call 白車入院。 當時我係咁問醫生姑娘情況係點？但佢地都只係話：「唔好太擔心！如果係無既，就會無，無人控制到。更何況每5個孕婦，就有1個會流產。所以好正常既，唔好太擔心！你而家5週4,通常都係本身個胎有問題，唔關你做左咩事。」 (我心諗：你咁講完我仲擔心 T.T) 幸好地，幸運之神又一再眷顧我！bb神奇地無再流血，仲痴返實媽媽！（鬆左一大口氣）叻叻！ 就係咁… 我就展開左臥床安胎既日子了…  以為自己過左一關，就無事啦！係6週3覆診時，第一次聽到bb心跳，閃閃下，好感動呀！誰不知，醫生發現個肚有好多積血未散，又係無野可以做，又係等！等佢排出或身體自己吸收！如果積血唔清就會影響到bb了～然後又話HCG指數上升得太快, 又擔心係葡萄胎 :S 之後有一次覆診完返到屋企，又有血！今次仲要有一舊捽唔開既物體，我真係以為自己柯左個bb 出嚟，當場爆喊左！但冷靜過後，我的兒甥女（只得8歲）問我：點解你頭先喊得咁勁既? 你都未見過個bb! 果一刻我先真正感受到：我真係要做媽媽啦！我原來好愛依個這麼親近又那麼陌生既小豆釘！（最後都係急急腳去睇醫生，好彩閃閃還在） 然後有一次住院，醫生話我唔夠營養, 又捉左我去見營養師，又要食多d 野追返體重。(滴汗！我本身跟本就唔係瘦） 就咁樣，我成個6月都無返過工，日日訓床！ 係訓！醫生叮囑我連坐都唔好坐咁多，要訓!!日日嘔！日日都真係生不如死！加上荷爾蒙影響下，整個心情起伏好大，經常哭！擔心好多好多！一晚發夢醒幾次，醒左又未必咁好彩比你訓返！ 世界杯決賽當晚，我地仲去左法國（醫院）支持法國隊！係法國醫院！我發燒唔退，已經食左飲左大量維他命C , 係咁用毛巾抺身都唔得，最後都係要食藥（當時又覺得媽媽無用，對寶寶唔住，然後又大哭一場） 我既孕初期大慨就係咁戰戰兢兢地過啦！生命真係得來不易！好擔心，但又咩都做唔到…心情多麼難堪呢？ 幸好小豆釘無離棄我, 真係唔可以睇少小小既生命,佢係擁有強大既生命力呢!! 各位媽媽, 你地都要加油呀!!