好的! 今日S媽媽想分享下剖腹產子既住院體驗 S媽媽揀喺荃灣港安醫院產子最主要係因為醫院比較新淨同埋貪佢有個房間upgrade套餐!  入住私家醫院就好似去check-in 酒店一樣!! 辦入院手續時, 職員會問你想住邊種房間! 大家可以睇下以下個醫院收費表, 只要你比3人房價錢, 就可以upgrade去2人房; 2人房就upgrade去1人房, 如此類推... (大前題係視房間情況而定, 所以揀之前一定要問清楚有冇得upgrade先啦) 因為S媽媽本身屋企人比較多, 同埋生完BB個人一定會好攰, 好需要一個私人空間... 所以就揀左比2人房價錢, upgrade去1人房啦!! (其實只係爭$2800 喳!!就可以獨佔間私人房啦!!!!係咪好抵呢) 間房好大嫁! S爸爸仲可以陪媽媽訓! 又唔怕嘈親人, 更加唔怕比其他媽媽嘈親自己, 可以好好休息)   辦完入院手續之後就會上去12樓婦產科量血壓, check 胎心等等既檢查... 檢查過後就會被安排去房間啦!  婦產科分別有12樓同13樓... 我無記錯的話, 12樓全部都係3人房; 13樓就係2人房以上... 留意係BB房喺13樓, 如果你住12樓的話, 餵BB 同 睇BB都要上13樓, 無得叫姑娘推BB 入房嚕!!   醫院包左一套"產後及婦科護理套裝", 仲有埋腰封!!腰封對剖腹產子既媽媽係非常重要的!!!! 順帶一題, 如果你真係要泵奶, 又無帶泵奶器呢... 醫院都有得借嫁! 係medela牌子的!   至於餵奶, 就分左以下時段 00:30 , 4:30 , 8:30 , 12:30 , 16:30 , 20:30 , 你可以選擇去餵奶房餵, 亦可以選擇叫姑娘推BB比你喺房餵! 當然可以唔餵叫姑娘幫你餵奶粉, 自己休息下!! 我咁懶, 就更係叫姑娘推比我啦!! 唔好以為就咁推比你就由你喺房自生自滅, 依到D姑娘會教埋你點埋身餵! 初時個胸有d硬, 自己又無為意,又唔識... 都係姑娘發現, 仲教我點按鬆同幫我推左幾下!!!  依間係餵奶房, 各自拉簾餵... 有問題就叫姑娘, 佢地一定幫到你   其實最令我感到有5星級服務體驗既除左係醫院設備完善之外, 仲有係婦產科既員工!! 佢地個個都好熱心!! 又好笑容!! 有問必答!! 連D 清潔姐姐都好好禮貌!! 住到S媽媽都唔想返屋企, 想繼續係度嘆呢~ 整體表現:  醫院整潔度: 房間整潔度: 員工表現:   <br />