我終於可以做寶寶版照燒汁比Bella食喇， 今次做左照燒蘑菇雞肉丸子，配上三角小飯糰！     其實我地平時食開嘅大人版照燒汁， 都係用好濃味嘅調味料去做， 唔好話小朋友，大人食得多都唔太好。 大家應該都知照燒汁都是黏黏甜甜的， 好多都係用蜜糖或麥芽糖來做， 但前者我仲未比過Bella食， 後者就唔係太易買到， 不過前排去開日式超市， 又比我發現到一支說是一歲起食用的BB蜜糖， 睇返佢的蜜糖成份含量唔多， 我自己試過一口， 如果話一歲食我就嫌甜得滯唔建議喇， 不過我覺得可以過左歲半， 間唔中來做下醬汁又的確幾好用嘅， 下次應該仲可以自己整酸甜排骨個汁。 如果唔想用呢支一歲蜜糖來做照燒汁， 都可以用少少麥芽糖代替。 而今次個汁都用到平時用開嘅BB豉油， 兩者份量都唔多，唔需要做太濃味，   剛好吊到味恰到好處就是了。     《幼兒料理：照燒蘑菇雞肉丸子 · 三角小飯糰》         材料（8粒份量）： 雞柳兩條 啡蘑菇一粒 洋蔥1/8個 水一湯匙 BB豉油一湯匙 一歲蜜糖一湯匙 粟粉一茶匙       做法： 1. 雞柳及蘑菇切半，與洋蔥一起用blender打碎， 但切勿打成蓉，否則口感太綿。 因為若不用blender，也可以用手剁切， 或購買現成免治雞肉。 *整個過程所有材料都需保持乾身。       2. 材料打碎後，加入一茶匙粟粉拌勻。     3. 把肉碎分成均等份，取一份在掌心搓成肉丸。     4. 把肉丸放在碟上， 碟面可先塗少許油以免肉丸熟後會黏住， 水滾後大火蒸8～10分鐘。     5. 做汁：一湯匙BB豉油與一湯匙清水混合。       6. 熱鍋後，放入剛才的汁， 然後再加入一湯匙左右的BB蜜糖，以中火煮起。         7. 放入已蒸好的肉丸，在汁中翻滾直至收汁， 肉丸會黏上照燒汁即成，過程大約分半至兩分鐘。           由於肉丸較惹味，Bella非常喜歡， 同時也可做個三角頭飯糰及蔬菜來食， 小飯糰只用了幼兒食用的飯素來做，簡易方便。     下次Bella媽會煮健康的鮮魚麥皮蘑菇濃湯， 有興趣可follow我地facebook更新。       ******************************************   ~ 許許與小BELLA ~ 隨性的玩樂型媽媽~ 喜歡做BB特色料理~ 愛分享BB好物情報~ 記得留意我地FACEBOOK瀏覽更多玩樂情報及BB食譜啦~ FB專頁: www.facebook.com/huihuiplayground 聯絡我們: jassmine_tea@yahoo.com.hk       IG:  https://www.instagram.com/huihui_bella/ ~ BLOG足跡 (BEAUTY, LIFESTYLE,  MOM & BABY) ~ BlogSpot   PINEXT   OpenRice  ESD LIFE  TheZtyle  She.Com BeautyExchange   OH!爸媽!  MyBB.Com  香港媽咪幫  UBABY   親子日常  EASY PAMA  Parent's Daily  媽媽經   Sunday Kiss