今天第一次為孩子打blog 我個楓哥話咁快而家就7個月，襯自己而家仲有記憶、當然要寫番一篇生產日記 2018年9月10日係我開刀見楓哥既大日子。 一早就call 定車準時7:00 am 登記入院，我同老公都好緊張，又驚拎少左野，又驚無車，好彩事前準備充足，基本上半個鐘就搞惦左可以入病房。 我簡係五日四夜開刀package !  St paul 開刀住院費係$18000，環境唔錯有電視wifi ，仲送左一個待產包 9:00 am 準時換手術胞，等婦產科陳創斌醫生醫生黎見面 10:00am 就推入手術室。 術前醫生會講解一下，我就要麻醉，其實我係超級驚超級緊張，但個人唔敢亂郁，死忍比醫生打麻醉，我要背住個醫生打背脊，支麻醉針其實好粗，但你望唔到，心理上無咁驚既，而個痛楚係我可以承受既，比相像中無咁痛。 之後我對麻醉有反應，個人係咁震同覺得好凍，兩隻手又被紮實、加上我又超級緊張，老公一入黎手術室陪產，我就忍唔住喊， 佢一直陪著我，我老公都超級緊張；過程唔痛、但你feel到 醫生在拉扯你既肚肚,半個鐘內，護士就抱住阿仔到我地面前。 我同老公都感動到喊左，抱著楓哥的一刻，感覺好奇妙，一個從未見過面既小生命出現係你面前，感覺開心之餘又好感動 終於可以卸貨了 整個手術前後一個鐘內完成，醫生又快手; 結果我個仔 7磅5平安出世。 st paul 護士會幫你地一家影第一張全家福，又會幫你影底BB 人生第一張相片， 仲會叫爸爸DL 一個APP SEND番晒所有相比你， J麻媽到果一刻先知。。。而家D私院原來好先進！哈哈哈 係st pual 五日四夜，我術後第二日可以開始落床，傷口堅係痛，但我自己覺得可以承受到，不過建議開刀媽咪們真係買條術後束帶，舒服好多之餘傷口都無咁痛。 St paul 護士們都好好，連d 上左年紀既幫忙姐姐都好好人，有咩要求都盡量幫你，態度都好好。 我第三日開始上奶，媽咪們可以到授乳室學餵母乳，所有護士都好有心機教你，同埋講好多專業知識意見比我呢個新手媽咪知道， 我開頭唔係好識餵母乳，醫院可比你簡各牌子既水奶，楓哥就餵ILLUMA ，但你就算住院果幾日唔埋身唔上奶，bb都有護士幫你照顧，媽咪們可以有好多時間休息，係一定要好好休息。 出院時會有一大袋禮物仔! 9月14日 結束5日4夜生產之旅，無後悔簡開刀，也覺得自己簡岩醫生，出院之後順利帶bb番屋企，開始當媽的生活。 而家諗番轉頭，當媽很偉大，同時多謝楓哥令我既人生更豐富，簡開刀生仔係一個好需要勇氣既任務， 各位開刀媽媽千萬唔好同人比較，無論簡開刀或順產，都係媽媽自己既選擇，相信自己！ 媽媽既選擇一定會係對BB最好既選擇，無需要有任何壓力！ 各位媽媽加油！     有興趣可以LIKE 我同BB Facebook: 楓哥與j麻媽 https://www.facebook.com/楓哥與J-媽麻-204558917157321/