好多BB啲牙都生得好疏，好醜怪，沙律B都係其中之一。 特別係兩隻上門牙，生到左一粒右一粒，勁開，勁醜樣！ 沙律媽媽曾經問過牙醫 ，牙醫都話無問題，到時生恆齒就有多啲位！ 係，的確無錯！但原來唔可以apply to每一個case！ 至少，沙律B個case唔可以唔處理！ 其實沙律B一出世果陣，兩隻上門牙牙床位置係有一個凹位。 當時兒科醫生以為萼裂 [嚇死！]，但check完發現原來唔係。 只係上唇果條筋生得太粗，又過長，所以牙床位置出現凹位！ 再者，沙律B當時早產，亦都有機會影響到，醫生都唔知咩原因！ 但兒科好肯定咁講︰功能上無問題，但會影響外觀！但有得整嘅！ 兒科醫生診斷為Cleft Gum，仲叫我地唔使擔心！ 好彩一有左沙律B已決定私家生，至少有個醫生由出世跟到宜家！ 因為政府係唔會理會架！完全唔理架！！ 沙律B出院後2日，去左政府照燈，沙律媽媽同左醫生講！ 醫生話︰無問題wor，我地都未見過咁嘅case！ 沙律媽媽即刻內心問候左佢娘親，外加兩隻中指！ 靠佢地不如靠自已！ Anyway，到沙律B滿月開始，牙床凹位已平滑左啲啲。 再去到沙律B 8-9個月左右，又平滑左啲啲，仲開始出牙。 但一開始出牙，問題慢慢浮面，因為兩隻門牙真係生得好開！ 當時，沙律媽媽已經知道沙律B呢個問題叫「上唇繫帶過長」！ 原來上唇繫帶過長亦都會引致以下問題，所以唔可以忽視。 同時，沙律媽媽都search過好多資料，多數都係台灣手術case！ 個個blogger (媽媽) 開始都好擔心手術，但原來手術好簡單！ (上圖就係一個例子，但唔係沙律B，沙律B個case仲嚴重) 但手術簡單，只係剪開上唇條筋，再縫番，等傷口埋，搞掂！ (上圖唔係沙律B，但沙律B個手術都係咁做，縫左10幾針) 手術一定要襯小朋友細嘅時候做手術，避免條筋扯得太緊， 將上萼扯到突出左，咁就麻煩啲！ 大多數台灣case都係2歲以內完成，沙律B都唔例外！ 如果想個更加資訊，可以打「上唇繫帶過長」，有好多資料。 https://lytornado.pixnet.net/blog/post/324256832-%40frenectomy%28%E7%B9%AB%E5%B8%B6%E5%88%87%E9%99%A4%E8%A1%93%29%E5%9C%A8%E7%9F%AF%E6%AD%A3%E6%B2%BB%E7%99%82%E7%9A%84%E6%84%8F%E7%BE%A9- 沙律媽媽一早已經有醫生contact，亦準備幫沙律B 2歲前搞掂。 如果有幫BB買開保險，需要有reference letter！ 正正因為呢個原因，沙律媽媽長keep沙律B個兒科專科。 So far，一切都非常順利！ 手術名叫Frenectomy，保險唔包，因為categorized 天生！ 第一次見醫生，沙律B 19個月，醫生已話沙律B係嚴重case。 一定要做手術， 因為上萼已扯到突出左，上下兩棚牙咬合唔正！ 同埋，上邊兩隻側門口已經出現疊牙情況，好易蛀牙！ 醫生講左手術一個鐘頭內完成，喺牙醫診所進行手術！ 唔使全身麻醉，因為全身麻醉要入院，需要插喉！ 但又唔可以局部麻醉，因為沙律B太細，無可能聽醫生指令！ 所以用振靜式麻醉，一個鐘左右就會醒番，好似飲醉左咁！ 手術完左，上唇可以完全反開 (正常人反到的)！ 突出左嘅上萼不再受到拉扯，會慢慢變番正常嘅curve (需時)！ 到換恆齒，上門牙縫都會慢慢合埋！ 如果收得唔靚，大個左箍牙就可以再改善！ 醫生講嘅野沙律媽媽一早已知，都有曬心裹理準備。 總之：安全，又改善到問題就得！ 同時，醫生講左2個風險，一個手術風險，一個流血風險！ 手術其間有咩突發事件，其實無人知，但都無需太擔心！ 而流血風險就麻煩啲，因為小朋友唔識野，會走去整個傷口，有機會再流血。 第二次見醫生，沙律B 21個月，早上9:00直接做手術！ 手術前9個鐘戒口，水都唔俾飲，勁慘！勁肉赤！ 手術前見左牙醫同麻師，問左簡單問題，講左程序，就開始手術！ 由沙律媽媽抱住沙律B入手術室，沙律B已喊到九彩！ 麻醉時 (聞氣) 由麻師，2個姑娘，沙律媽媽同嫲嫲控制住， 10秒就進入昏睡狀態，沙律媽媽同嫲嫲就要去reception 等！ 見到沙律B昏睡果陣好心痛，仲有兩行眼淚。 喺reception 坐果陣都心不在焉，囉囉攣，因為好驚有意外。 好彩，40分鐘左右，醫生出左嚟，話搞掂左，整得好靚 [官腔]。 之後沙律一家就入左去睇沙律B，當時沙律B仲昏睡中。 姑娘已抱起左，準備拍醒佢，仲話沙律B有反映，eh左一聲。 其間，醫生show左before and after嘅相俾沙律一家睇。 術前，原來上萼真係扯得好勁，條筋都真係幾肥！ 術後，原來個傷口都真係好大，應該真係會好痛好痛！ 醫生話上唇入邊只縫左少少，其他位置唔縫，否則要縫多10針！ 宜家已經縫左10幾針，再加多10針，沙律B會好辛苦！ 同埋用左溶線，愈多線溶得愈慢，亦會更唔舒服！ Anyway，手術好順利，好成功，沙律B醒左認到人，就離開！ 醫生建議醒後4個鐘先可進食，因為麻醉未完全過。吞嚥唔係好控制得到！ 其實沙律B由前一晚11點已開始停止進食！手術10點先完成，完全醒曬已經10:45！ 要再捱多4個肚餓，即是16個唔可以食野，基本上無可能！ 沙律媽媽一番到屋企已開始餵水，但1oz水飲左20分鐘！ 到麻醉後兩個幾3個鐘先餵粥，食得勁快，因為太餓！ 沙律b術後果3-4日，可以話係無間地獄！ 1 – 飲奶都要用飲管，即係一定要清醒情況下先飲到 2 – 唔可以食奶咀 [平時啜住先瞓到，搞到晚晚12點至1點先入睡] 3 – 食野勁慢，因為要就住傷口，餐餐都要餵個幾兩個鐘 4 – 唔可以刷牙，所以手術果日，醫生幫佢噴左fluoride [盛惠HK$1500] 5 – 時時刻刻都要跟住佢，以免整損傷口 [第2日已撞到流血] 6 – 瞓覺都要看實，因為好易又整損 [第5日一起身已看到好多血漬] 7 – 見到新玩具都唔識笑，玩又係心機玩 8 – 唔會自動自覺瞓覺，日日都要孭落街，有野distract佢先瞓到 9 – 飲少左水，便秘加劇，本身已是便秘B，呢幾日更加癲 宜家手術後差不多3個月，上門牙明顯靚左，無咁突出！ 上門牙之間果條gap都好似細左少少，人中位無咁突！ Overall 好左好多，希望出恆齒時可以生埋，否則又要箍牙！ 雖然整個過程好痛苦，但痛一次，就keep一世，值得！ 嬰兒用品系列︰ 如何選購嬰兒用品の床品篇！ 如何選購嬰兒用品の初嬰服飾篇！ 如何選購嬰兒用品のSwaddle﹑包被﹑包巾﹑睡袋的重要性！ 如何選購嬰兒用品の消耗品篇！ 如何選購嬰兒用品の奶樽奶咀與配件篇！ 好物&癈物分享︰ 精明買物媽媽系列の嬰幼兒好物分享 III 精明買物媽媽系列の嬰幼兒癈物分享 II 精明買物媽媽系列の嬰兒好物大分享 II 精明買物媽媽系列の嬰兒癈物大分享 I 精明買物媽媽系列の平靚正收納妙法！ 精明買物媽媽系列の嬰兒好物大分享 I 旅行系列︰ 小腳板走天涯の18m布吉旅行應該帶啲咩？！ 小腳板走天涯の如何選擇旅行地點，機票，酒店同其他事宜？ 小腳板走天涯の10m台灣旅行應該帶啲咩！ 小腳板走天涯の23m東京旅行應該帶啲咩？！ 小腳板走天涯の23m東京旅行可以點玩？！ 自家製系列︰ 自家製系列の給寶寶最好的護理—自製天然健康湯水！ 自家製系列の小兒天然止咳殺菌良方—燉紫洋蔥！ 自家製系列の打一歲針前應該煲咩儲涼湯水？！ 自家製系列の嬰兒都可以食嘅生日蛋糕—沙律B生日快樂！ 健康系列︰ 健康系列の如何應付寶寶の便秘問題？！ 健康系列の嬰兒應該打咩針?! 補咩針！！ 教育系列︰ 教育系列のPlaygroup 有感！ 教育系列のPN Interview 有感！ 生產系列︰ 生產系列の30分鐘生產過程+老公陪產的重要性！ 生產系列の早產嬰私院收唔收？生產費用又有咩唔同？！ 陀B系列︰ 陀B日誌の如何拆解超聲波圖！ 陀B日誌の公院私院產檢大不同！ 其他忙碌日常︰ 加固系列の嬰兒可以食咩零食？！ 暗藏細菌系列の選用沖涼玩具時要當心！ 沙律媽媽的忙碌日常の湊B去街應該拎啲咩？！ 純粹分享の在職媽媽補身恩物—老協珍熬雞精！！
