爸爸轉工後, 出差頻密咗, 遠咗....... 今次一飛就一星期, 去到地球的另一端 出差前, 爸爸精心製造咗呢架巴士比米豬, 一訓醒晏訓就見到咁大架巴士, 開心到暈是必然吧~ 不停咁講"好好好鐘意" "好勁" "好靚呀" 夜晚仲要巴士一齊訓   第二日, 爸爸同我地出去食完晏, 就出發喇 好唔捨得老公呀T^T (單拖一星期呀親............) 米豬就好似冇咩咁, 但爸爸出咗去一陣, 佢無啦啦爆喊............... 話"全部都唔要!" (呢排一講親呢句就肯定係有野不滿ga na), 逐樣問, 原來唔要爸爸出差, 攬住我喊咗一陣, 冇辦法呀爸爸要返工賺錢錢吖ma, 好快返嚟啦~ 唔肯訓晏覺的冇心機仔/_\   其實爸爸飛成個星期, 我一早安排晒節目ga na, 目的就係令成個星期行程滿滿, 等米豬 (同埋我) 覺得D時間過得快D   星期一, 先去媽媽好朋友屋企玩, 有姐姐有妹妹一齊玩, 好快又夠鐘返屋企訓覺豬喇~   星期二, 米豬訓醒唔見爸爸, 問我爸爸去咗邊, 我話爸爸去咗好遠好遠返工, 要搭飛機咁遠, 星期日先返 跟住發咗一朝脾氣........... 爸爸facetime返嚟佢就掟野, 唔要見爸爸, 唔叫爸爸...... 之後問返, 原來佢係嬲爸爸飛走咗唔理佢呀~!!! 點算呀仲有5日喎................   下晝同米豬畫完畫, 都唔肯訓, 唯有迷暈車出動啦 夜晚有舊同事嚟打邊邊陪玩, 辛苦我同事, 成晚都唔知有冇坐咗半個鐘, 係咁比米豬捉去玩~   星期三朝早返學, lunch一早約咗同學仔+媽咪嚟開party (4個小朋友啫都係) 大人食呢D~ (豬手呀~~ 好耐冇整喇~~ 終於人多可以整喇~ 大家都大讚話正過出街食~)  小朋友食呢D~ 滿載三文魚的新幹線列車~~ 一拎出嚟就比所有小朋友KO晒~ 同一樣野換個造型, 大家就食得好合作~~ 媽媽們就free到出來食野喇~~  玩咗成個下晝, 夜晚同爺爺嫲嫲食飯   星期四, 入將軍澳搵朋友仔湯圓~~   食完飯就去公園玩~~~ 公園有小小雨粉, 就轉入單車公園個室內遊樂場玩~~~     2個小朋友跑足9個字~!!!! 開心到癲咗~~  媽媽我早有準備, 玩完成身衫同片都換晒佢, 再抹乾淨晒個身, 放返落BB車, 推2推, 秒睡~XD 返屋企抱上床再訓, 成2個半鐘先醒XDD   星期五, 又返學喇~ 放咗學執好行裝就去婆婆度宿一宵~~ 我個袋已經重到一個點, 所以米豬要自己揹返自己d野XDDD (都係一杯水同幾架命根車仔啫) 壞媽媽返婆婆度settle down咗米豬之後, 就同表妹小姐ss去咗食buffet喇~~~~~ 放監呀放監呀~~  me time & we time 好希望我地ge八婆旅行團終有一日成行~~   星期六一早公公就帶咗米去公園放電, 我可以訓到11點呀~~~~~~ <3 之後就返太婆度同太婆慶祝生日, 我返到娘家當然耍廢啦~~~   公公帶米豬去搵喵喵玩~   夜晚返到屋企, 展開浩瀚的換季工程, 玩到2點終於訓   一訓醒老公就返到嚟喇~~~~ 好掛住你呀老公~~~~~~~~ 米豬都好掛住爸爸, 一聽到爸爸聽即刻彈起身, 仲攬住添~~~  出差, 點小得手信~~ 仲巨過米豬ge芝士波波同好有型ge太陽眼鏡~~~   下晝爸爸話好想帶米豬去玩, 就去咗講咗好耐都未去ge深水埗行玩具街喇~~ 開心仔到暈~~~   7日ge爸爸出差記終於完結喇~~ (跟住下星期又飛4日.................)   雖然米豬平時好似唔痴爸爸咁, 但原來爸爸出差, 對佢影響都好大ga, 晚晚都典到11點半先斷電訓, 平時最多10點9訓著ga ma.... 半夜責醒仲會搵爸爸tim~! 佢細細個未必識表達, 所以媽媽响爸爸出差期間, 要特別留意佢ge情緒, 必要時作出疏導, 好似星期二朝早咁, 明明話掛住爸爸, 但facetime又死都唔肯見, 仲勁掟野, 佢話嬲爸爸喎.... 下次真係要提吓爸爸要早D同佢心理建設吓先得~!!    好彩星期二醒起响學校同老師傾計時, 講過呢個時間慨念ge問題, 原來咁細個小朋友, 係冇時間慨念, 佢地唔知一星期究竟係幾耐, 所以最好有個時間表, 比佢知道仲有幾多日爸爸就返嚟, 所以0個日食完lunch, 就拎畫簿拎貼紙同蠟筆出嚟, 畫咗呢個時間表 其實爸爸出差, 最好就好似今次咁, 排到日程滿滿, 咁就唔覺時間過喇~   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/