我很怕痛，亦怕開刀。兩胎都系頂著頭皮上。第一胎順產之後感覺系好驚好痛，到第二胎臨生前夜晩都有喊過擔心過。不過今次第二胎生完我系完全吾怕，反而因為自己有大進步而感到高興！呢種滿足自豪令我覺得自己好叻！    呢篇文黎個二胎順產感覺大對比： 1.時間 第一胎催生都系Qe, 過了一週預產期，要塞藥，催生約10小時，大痛約4小時。 第二胎隔了一年半生第二胎，因為BB大了一週，所以在預產週內催生，約7小時，大痛了2小時。 2. 房間 第一胎二人房，除左我之外仲有對面外籍人士，中間用窗簾布隔住。 第一胎二人房，不過得我一個用家，仲有廁所。好似係唯一一間產房有廁所，老公可以隨時用廁所。正！ 3. 人手 兩胎嘅醫生、護士同助產士都非常有鼓勵性。不過第二胎有較多護士學生/醫生學生，到最後產程既時候我拒絕了護士學生入黎觀課，個一刻我腦都諗吾到甘多，一口拒絕了，自己感覺係最緊要，不過助產士是專業的，經過我拒絕之後仍然非常落力幫助我生產，給了我許多鼓勵說話！    4. 止痛方法 第一胎用左笑氣、止痛針、香薫。感覺只有笑氣最有用。 第二胎都系用左笑氣、止痛針，香薰仲有老公幫手用油按摩。今次覺得笑氣最有用，香薰都有用！係我陣痛完索番兩下真系舒服d，至於老公按摩只系感覺安心。 5. 有幾痛 第一胎乜都吾知就去左催生，催左好耐一度都未開，催生藥要加強先慢慢開了3度，到8度個陣我記得我好似痴左缐甘，感覺要爆了。 第二胎好識用笑氣，到5-6度時系有d辛苦，不過頂得顺，跟著好快就捱到可以push…所以我吾係覺得好痛呀 。 6. 產後 第一胎要剪會陰，產後大出血，縫左好多針，我喺產房休息左幾個小時先落病房。 第二胎吾洗剪，縫左幾針ok。去完第一次小便我好快就落床。 7. 隊友感想 第一胎隊友表示好緊張 第二胎隊表示冇甘緊張 8. 見到BB既喜悅 第一胎生完之後見到BB非常之開心，乜痛都吾記得了，剪了會陰，縫左好多針。 第二胎生完系開心，不過好累，想快d休息仲有食野。    總括來說，有過第一次順產經驗，第二次已經有心理準備，而且比較會懂放鬆，我覺得生bb又真系吾系好難，最重要系bb健康平安。   我的Facebook Page: Man Man Diary 我的Blog: www.manmandiary.com 我的 Instagram IG#: diarymanman ***邀稿/出席活動：diarymanman@gmail.com*** 駐站Blogger: Oh爸媽-ohpama.com: Feautred Blogger MamiBuy香港媽咪幫：駐站部落客 Beauty Exchange：Certified Blogger ESDlife: Blogger 廿四孝父母 – 24parent.com: Featured Blogger PressLogic 親子日常: Blogger She.com: Blogger   親子集合 #Tagmum: Blogger Weshare.hk: Blogger U Blog: Blogger